جۋرناليست مۇحاممەد ءاليدىڭ ەڭ قاتتى قورىققان دۇنيەسىن ايتتى

استانا. قازاقپارات - مارقۇم بوكسەر مۇحاممەد ءاليدىڭ جاقىن دوسى، جازۋشى، راديو ءتىلشىسى ابدۋلماليك مۋجاھيد بوكسەردىڭ ومىردە ەڭ قاتتى قورىققان دۇنيەسىنىڭ نە ەكەنىن ايتتى.

مۇحاممەد اليدەن ەڭ قاتتى قورقاتىن دۇنيەسىن سۇرادىم. باسىندا قالجىڭداپ، قاراما-قارسىندا وتىرعان ايەلىن كورسەتىپ، «ايەلىم» دەدى. سوسىن «ەڭ قاتتى اللانىڭ مەنى ءجانناتىنا كىرگىزبەۋىنەن قورقامىن» دەپ جاۋاپ بەردى. وسى سوزىنەن كەيىن ايەلى باستاپ سول جەردە وتىرعان ءبارىمىز جىلاي باستادىق.

سوسىن مۇحاممەد ءاليدىڭ قولىنان ۇستاپ «باۋىرىم مۇحاممەد ءالي، سەن بارلىق ادامدار ءۇشىن قىزمەت قىلدىڭ. اللا قالاسا، اللا سەنى ءجانناتىنا كىرگىزەدى»، - دەدىم. بۇل سوزىمنەن كەيىن ول ماعان تۋرا قارادى دا، تەرەڭ ويعا شومىپ كەتتى. بۇل ساتتەردىڭ بارلىعى فوتو ءتۇسىرىلىپ، ولمەس ساتتەرگە اينالدى.

مۇحاممەد اليمەن كەزدەسكەن سايىن ۇنەمى كوڭىلدى ءبىر وتىرىس بولاتىنىن، جۇزىنەن ۇنەمى كۇلكى كەتپەيتىنىن تىلگە تيەك ەتكەن مۋجاھيد: «ءبىر كۇنى «سەنى ەڭ ۇلى دەپ ايتادى، بۇعان نە دەيسىڭ؟» دەپ سۇرادىم. بۇل سۇراعىما ول: «جوق، ەڭ ۇلى - اللاھ عانا! مەن ۇلكەن بوكسشىمىن» دەپ ءسوزىمدى تۇزەتتى

Ihsan.kz