قىتايدا داليان قالاسىنىڭ كاسىپكەرلەرىنە قازاقستانداعى ينۆەستيتسيالىق كليمات تانىستىرىلدى
كەزدەسۋدە داليان قالاسى باسشىسىنىڭ ورىنباسارى لۋ لين «ءبىر بەلدەۋ، ءبىر جول» ستراتەگياسىن جۇزەگە اسىرۋدا قازاقستان ورتالىق ازياداعى باستى ەكونوميكالىق سۋبەكتىلەردىڭ ءبىرى ەكەنىن ايتتى.
«بۇگىن مۇندا ءتۇرلى سالادا جۇمىس ىستەيتىن 55 دالياندىق كاسىپورىن مەن قاۋىمداستىق بار. وسىلايشا ءبىز ءوزارا ءتيىمدى ساۋدا- ەكونوميكالىق ىنتىماقتاستىقتىڭ پلاتفورماسىن قۇرامىز»، - دەدى ول.
«ساۋدا جانە ونەركاسىپتىك كاسىپورىندار قاۋىمداستىعى» زتب ءتورالقا ءتوراعاسى، «الماتىلىق ساۋدا جانە ينۆەستيتسيالار پالاتاسى» ج ش س باس ديرەكتورى مۇحتارحان بياروۆ «ءبىر بەلدەۋ، ءبىر جول» ستراتەگياسى جانە «نۇرلى جول» جاڭا ەكونوميكالىق ساياساتى ءبىر- ءبىرىن تولىقتىراتىنىن اتاپ ءوتتى. ول قازاقستانداعى ينۆەستيتسيالىق كليماتتىڭ ارتىقشىلىقتارىنا توقتالدى.
«قازاقستانداعى قولايلى ينۆەستيتسيالىق كليمات ساياسي تۇراقتىلىق دەڭگەيىنىڭ جوعارى بولۋىنا، سالىق زاڭناماسىنىڭ تارتىمدىلىعىنا نەگىزدەلگەن. بۇگىندە قازاقستاندا ينۆەستور ينۆەستيتسيالار كولەمىنىڭ %30 عا دەيىنگى مولشەرىن قايتارا الادى. بۇل ينۆەستورعا بەرىلەتىن جەر تەلىمى، عيماراتتار، قۇرىلىمدار، كولىكتەر مەن قوندىرعىلار بولۋى مۇمكىن»، - دەدى ول.
ق ر جەڭىل ونەركاسىپ قاۋىمداستىعىنىڭ ۆيتسە- پرەزيدەنتى، «سەميراميدا» ج ش س باس ديرەكتورى ناتاليا احشابايەۆا دا اۋلەتتى ينۆەستورلارعا ەلدەگى ينۆەستيتسيا قۇيۋعا جاسالعان جاعدايلاردىڭ مۇمكىندىگىن پايدالانۋدى ۇسىندى.
«الماتى ساۋدا جانە ينۆەستيتسيا پالاتاسى» ج ش س باس ديرەكتورىنىڭ ورىنباسارى شارا اقىلبايەۆا قىتاي كاسىپكەرلەرىنە استاناداعى «ەكسپو-2017» حالىقارالىق كورمەسى جايلى فيلمدى تانىستىردى.
«وزدەرىڭىزگە بەلگىلى، قازاقستاندا «ەكسپو-2017 استانا» كورمەسى وتەدى. تاقىرىبى - «بولاشاق ەنەرگياسى». وعان 100 دان استام ەل مەن حالىقارالىق ۇيىمدار، 8 ميلليونداي ادام قاتىسادى دەپ كۇتىلۋدە. «الماتى ساۋدا جانە ينۆەستيتسيا پالاتاسى» ج ش س ەكسپو-2017 كورمەسىنىڭ ارىپتەسى بولىپ تابىلادى. سوندىقتان سىزدەردى كورمەگە شاقىرامىز»، - دەپ اتاپ ءوتتى ول.
ەسكە سالساق، شارانى الماتى قالاسىنداعى ق ح ر باس كونسۋلدىعىنىڭ قولداۋىمەن «الماتى ساۋدا جانە ينۆەستيتسيا پالاتاسى» ج ش س ۇيىمداستىردى. قازاقستاندىق دەلەگاتسيا قۇرامىنا «جەتىسۋ» ا ك ك» ۇ ك» ا ق، ساۋدا جانە ونەركاسىپتىك كاسىپورىندار قاۋىمداستىعى، «ازياەنەرگوپروەكتمونتاج» ج ش س، «ЕРС Service» ج ش س، «پەرۆومايسكيە دەليكاتەسى» ج ش س، «ازيا- ستروي ك ۆ» ج ش س، «سەميراميدا» تىگىن فيرماسى» ج ش س، ج ك «ۇلجان» جانە ت. ب. قاتىسادى.
