اقتوبەدەگى وقيعا بەيبىتشىلىك ءۇشىن كۇرەستىڭ بوياماسىز بولۋى كەرەكتىگىن كورسەتتى - سەناتور ب. ءايتىموۆا - فوتو
جيىن بارىسىندا ەلباسى مانيفەسىنە توقتالا كەلە سەناتور، وندا بەيبىتشىلىك ءۇشىن كۇرەس بوياماسىز بولۋى كەرەكتىگى ايتىلعانىن ەسكە سالدى. «ال كەشەگى اقتوبە وقيعاسى بىزگە، وزىمىزگە تاعى ءبىر مارتە بەيبىتشىلىك ءۇشىن جاسالاتىن شارالاردى بوياماسىز ەتۋدىڭ قاجەتتىگىن، مۇنىمەن شىنداپ اينالىسۋ كەرەكتىگىن كورسەتىپ وتىر. ءبىزدىڭ جانىمىزداعى ادامدى ينتەرنەتتەن باسقا ەشتەڭە قىزىقتىرمايدى دەپ ويلاۋدىڭ ءوزى قاتە. ءبىز ءۇشىن سول ادامنىڭ قالاي ءومىر ءسۇرىپ، تىرشىلىك كەشىپ جاتقانىن دا ءبىلۋ ماڭىزدى»، - دەدى ب. ءايتىموۆا.
بۇل رەتتە دەپۋتات مەملەكەت باسشىسىنىڭ كۇرەستى بويامالاماي، ناقتى قادامعا كىرىسۋ تۋرالى باستامالارىن قولداۋعا شاقىردى. «كۇرەسىمىز سوعىستىڭ ءداستۇرلى فورماسىنا عانا قاتىستى ەمەس، تەرروريزمگە دە، ادامداردى جاعىمسىز سالدارعا سوقتىرىپ جاتاتىن كيبەرقىلمىستارعا دا قاتىستى بولۋى شارت. وسى ماقساتتا بۇگىنگى كۇنى الەمدىك قاۋىمداستىق تەرروريزم مەن ەكسترەميزم سالاسىنداعى تەرمينولوگيانى كەلىسىپ، الەمدەگى ارەكەت ەتىپ جاتقان بارلىق تەرروريستىك ۇيىمداردىڭ ءتىزىمىن جاساپ، جاھاندىق تەرروريزمگە قارسى كواليتسيا قۇرۋعا كىرىسۋى كەرەك. قۋاتتى مەملەكەتتەر وزدەرىنىڭ حالىقارالىق ارەناداعى يميدجىنە جۇمىس ىستەپ قانا قويماۋى شارت، ولار تەرروريزممەن كۇرەستەگى تاريحي داستۇرلەر اياسىنداعى بارلىق تاجىريبەلەرىن ىسكە قوسىپ، جاھاندىق قاتەرگە قارسى ەكىنشى دۇنيەجۇزىلىك سوعىستاعى سەكىلدى كۇش بىرىكتىرۋلەرى كەرەك»، - دەدى ب. ءايتىموۆا.
اۆتور: قانات مامەتقازى ۇلى
