بويجەتكەن سونبەگەن جانارتاۋدىڭ ۇستىنە سەكىردى - كەسكىن

استانا. قازاقپارات - ەكسترامالدى سپورتشى روبەرتا مانچينو جانارتاۋ ۇستىنەن ۇشىپ ءوتۋدى ارمانداعان.

بىرنەشە جىل جاتتىققان بويجەتكەن چيليدەگى سونبەگەن ۆيليارريكا جانارتاۋىنا اتتاندى.

جانارتاۋ سول ماڭداعى قالا مەن كولدەن 2847 مەتر بيىكتە ورنالاسقان. بويجەتكەن سونبەگەن جانارتاۋدىڭ وشاعى مەن كۇكىرت تۇمانى اراسىنان قالىقتاپ ءوتتى.

ول ءۇشىن بويجەتكەن الدىمەن تىكۇشاقپەن تاۋ ۇستىنە جەتىپ 4,5 ك م بيىكتەن سەكىردى، سودان سوڭ ۆينگسيۋتتى جازىپ قالىقتاي وتىرىپ جانارتاۋ وشاعىن ءدال ۇستىنەن كورە الدى.

وسى اۋە ساپاردىڭ ۆيدەوسىن GoPro رەسمي ارناسى جاريا ەتتى.

ەسكە سالا كەتسەك، ۆينگسيۋت - ارنايى ۇشاتىن كوستيۋم، قول-اياق اراسىندا جارعاق سەكىلدى ۇشاقتىڭ قاناتى ءتارىزدى جالعاستىرا تىگىلگەن. ۆينگسيۋت تىك قۇلاۋدىڭ جىلدامدىعىن 200-270 ك م/ساعاتتان 35-70 ك م/ساعاتقا ازايتىپ 250 ك م/ساعاتقا جەتكىزەدى. ۆينگسيۋتتە ۇشۋ - پاراشيۋتيزمنىڭ ءبىر ءتۇرى. جەرگە جاقىنداعان سپورتشى پاراشيۋتپەن قونادى.