ەلەكتروندى تىركەۋ دەڭگەيى قارقىندى ارتىپ كەلەدى - ق ر ادىلەت مينيسترلىگى

استانا. قازاقپارات - 2015 -جىلى 11 ميلليون استام قىزمەت كورسەتىلدى.

بۇگىن استانادا حالىققا ەسەپ بەرۋ كەزدەسۋىندە ق ر ادىلەت ءمينيسترى بەرىك يماشەۆ وسىلاي ءمالىم ەتتى.

«2015 -جىلى 11 ميلليون استام (11880296) قىزمەت كورسەتىلدى، ونىڭ ىشىندە 83 پايىزى (9648503) ەلەكتروندى فورماتتا ۇسىنىلدى. قىزمەتتەردىڭ باسىم بولىگى، ياعني 82 پايىزدان استامى جىلجىمايتىن مۇلىككە قۇقىعىن تىركەۋ سالاسىنا قاتىستى بولىپ وتىر»، - دەدى مينيستر.

بۇدان بولەك، ەلەكتروندى تىركەۋ باعىتىنا توقتالعان ب. يماشەۆ، 2014 -جىلمەن سالىستىرعاندا، 2015 -جىلى ەلەكتروندى تىركەۋ 4 ەسەگە (2014 ج. - 88445، ال 2015 ج. - 321486) ارتقانىن جەتكىزدى.

«بۇل ءوز كەزەگىندە تۇرعىندار ەنگىزىلىپ جاتقان جاڭاشىلدىقتاردى قولداپ وتىرعاندىعىن بايقاتادى»، - دەدى ۆەدومستۆو باسشىسى.

اۆتور: رۋسلان عابباسوۆ