جامبىل وبلىسىندا اتپەن وزەندى كەسىپ وتەم دەپ سۋعا كەتكەن اۋىل تۇرعىنىنىڭ دەنەسى تابىلدى

تاراز. قازاقپارات - جامبىل وبلىسىندا اتپەن وزەندى كەسىپ وتەم دەپ سۋعا كەتكەن اۋىل تۇرعىنىنىڭ دەنەسى تابىلدى، دەپ حابارلادى وڭىرلىك ت ج د باسپا ءسوز قىزمەتى.

«شۋ اۋدانى اقسۋ اۋىلىنىڭ ماڭىنداعى اقسۋ وزەنىنەن قۇتقارۋشىلار 7 - مامىر كۇنى اتپەن وزەندى كەسىپ وتەم دەپ سۋعا كەتكەن 36 جاستاعى اۋىل تۇرعىنىنىڭ دەنەسىن الىپ شىقتى» دەلىنگەن حابارلامادا.

سونداي- اق سۇڭگۋىرلەر شۋ اۋدانى تولە بي اۋىلى ماڭىندا شۋ وزەنىنەن 26 - مامىر كۇنى بەلگىسىز جاعدايدا جوعالىپ كەتكەن 67 جاستاعى تۇرعىننىڭ دەنەسىن ىزدەپ جاتىر.

قورداي اۋدانىندا دا 3 - ماۋسىمدا باتىپ كەتكەن 8 جاسار بالانىڭ دەنەسى قاراقوڭىز وزەنىنەن ىزدەستىرىلىپ جاتىر.

 بايزاق اۋدانى تۇيمەكەنت اۋىلى ماڭىندا دا تالاس وزەنىنەن 22 - مامىردا جوعالىپ كەتكەن 28 جاستاعى جىگىتتىڭ دەنەسى ىزدەستىرىلىپ جاتىر.