عالىمدار: ازيا حالقى امەريكانىڭ بار ەكەنىن كولۋمبتان بۇرىن بىلگەن

 استانا. قازاقپارات - ازيا حالقى سولتۇستىك امەريكانىڭ وسى الەمدە بار ەكەندىگىن ساياحاتشى حريستوفور كولۋمبتان بۇرىن بىلگەنى تۋرالى ايعاقتار تابىلدى،

 دەپ حابارلادى www.24.kz.

 ا ق ش ارحەولوگتارى الياسكادان وسى حالىقتار اراسىندا ساۋدا- ساتتىق بايلانىستاردىڭ بولعاندىعىن راستايتىن جادىگەرلەردى تاپتى. پارديۋ ۋنيۆەرسيتەتىنىڭ قىزمەتكەرى كوري كۋپەر بىلاي دەيدى: «جالپى ۇندىستەر مەن ازيا حالقىنىڭ اراسىندا بايلانىستىڭ بولعانىنا بۇرىن دا كوزىمىز جەتكەن ەدى. ەندى بۇل دەرەكتەر ناقتىلانا ءتۇستى. ازيا حالقى امەريكا تۇرعىندارىنا مەتالل ساتقان. سەبەبى ءبىز تاپقان مەتالل قۇيمالارى ەۋرازيادا قۇيىلىپ، ارتىنشا ءسىبىر مەن بەرينگ بۇعازى ارقىلى الياسكاعا جەتكىزىلىپ وتىرعان».

 عالىمداردىڭ تۇجىرىمدارىن الياسكادا تۇرعان حالىقتىڭ مەكەنىنەن تابىلعان جادىگەرلەر مەن ەڭبەك قۇرالدارى راستاي ءتۇستى. بۇل جەردىڭ حالقى وتىرىقشى ءومىر سالتىن ۇستانعان. بۇعان ولاردىڭ قاتقان مۇز اراسىنان تابىلعان كوپتەگەن مادەني ەسكەرتكىشتەرى مەن مەتالل بۇيىمدارى دالەل بولادى.

كۋپەردىڭ ايتۋىنشا، مەتالدان جاسالعان ەڭبەك قۇرالدارى وتە سيرەك جانە ىلۋدە ءبىر كەزدەسەتىن جادىگەر سانالادى. سەبەبى سوناۋ زاماندا مەتالل اسا تاپشى ماتەريال بولعاندىقتان، تۇرعىندار ودان جاسالعان زاتتاردى ۇرپاقتان ۇرپاققا مۇرا ەتىپ قالدىرىپ، ابدەن توزىعى جەتكەنشە پايدالانعان.