قازاقستان تەراكت قۇرباندارىن ازا تۇتادى
وتكەن جەكسەنبىدە اقتوبەدە قاندى قول قىلمىسكەرلەردىڭ ارەكەتىنەن ادامداردىڭ ءومىرى قيىلدى، ءبىرقاتارى اۋىر جاراقات الدى. ءبىر توپ لاڭكەس مۇسىلمان قاۋىمى ءۇشىن قاسيەتتى رامازان ايى باستالار ساتتە ەلدىڭ تىنىشتىعىن بۇزدى.
وسى ورايدا بۇل كۇنى بارشا حالقىمىز 5- مامىردا قاندى وقيعا سالدارىنان قازا بولعان بوزداقتاردى قايعىرا ەسكە الاتىن بولادى، ەلىمىز ويىن-ساۋىق شارالارىنان باس تارتىپ، قازاقستان حالقىنىڭ بىرلىگى مەن بولاشاعى تۋرالى تەرەڭ-تەرەڭ ويلار ايتىلادى.
ق ر پرەزيدەنتى نۇرسۇلتان نازاربايەۆ اقتوبە قالاسىندا بولعان تەرروريستىك اكتىلەرگە بايلانىستى جاساعان مالىمدەمەسىندە لاڭكەستەر زاڭنىڭ ەڭ قاتاڭ تالاپتارىمەن جازاعا تارتىلاتىنىن قاداپ ايتتى.
«مەن قايتىس بولعانداردىڭ وتباسىلارىنا، تۋىس-تۋعاندارىنا شىن جۇرەگىممەن كوڭىل ايتامىن. قازا تاپقان اسكەري قىزمەتكەرلەر وتان الدىنداعى انتىنا ادال بولىپ، ەل قاۋىپسىزدىگى جولىندا وشپەس ەرلىك كورسەتتى. ولاردىڭ ەرلىكتەرى مەملەكەت تاراپىنان لايىقتى باعالاناتىن بولادى. ونىڭ ۇستىنە 4 ازامات قايتىس بولدى، ءبارى اقتوبەنىڭ تۇرعىندارى. سوندىقتان، مەن ەرتەڭگى بەيسەنبى، 9- ماۋسىم كۇنىن جالپى ۇلتتىق ازا تۇتۋ كۇنى دەپ جاريالايمىن. قازا بولعانداردىڭ ارتىندا وتباسى، بالا-شاعالارى قالدى. مەنىڭ تاپسىرمام بويىنشا، ولارعا بارلىق قاجەتتى كومەكتەر جاسالۋدا»، - دەدى ەلباسى
مەملەكەت باسشىسى ەل ءىشى ءبۇتىن بولماسا، ەل دە بولمايتىنىن، قازىر - ناعىز ەلىم، جەرىم دەگەن وتان سۇيگىشتىكتى كورسەتەتىن ۋاقىت ەكەنىن قاداپ ايتتى.
«حالقىمىزدىڭ قاۋىپسىزدىگى مەن تۇتاستىعى ءۇشىن بارىنە دە دايىن ەكەنىمىزدى كورسەتەتىن كەز كەلدى. قاۋىپسىزدىك پەن تۇراقتىلىق، بەيبىتشىلىك پەن كەلىسىم - ەڭ باستى بايلىعىمىز. ءبىز تاۋەلسىزدىگىمىزدىڭ تىرەگى بولعان بۇل قۇندىلىقتاردى كوزدىڭ قاراشىعىنداي ساقتايمىز. مەن قازاقستان حالقى دۇنيەدەگى داعدارىس جانە بۇگىنگىدەي جاۋاپتى شاقتا تاعى دا بارشا الەمگە ەلدىگى مەن بىرلىگىن پاش ەتەرىنە سەنەمىن. ەلىمىز امان، جۇرتىمىز تىنىش بولسىن!»، - دەدى ەلباسى.
اقتوبەدە 5- ماۋسىمدا لاڭكەستىك سالدارىنان قازا تاپقان 7 ادام - بەيبىت تۇرعىندار مەن اسكەري قىزمەتشىلەردىڭ ەسىمدەرى:
اندرەي_ماكسيمەنكو - «پاللادا» دۇكەنىنىڭ ساتۋشىسى ماكسيمەنكو اندرەي، 1972-جىلى تۋعان؛
نيكولاي الەكساندروۆيچ ونيشەنكو - زەينەتكەر ونيشەنكو نيكولاي، 1947-جىلى تۋعان («پاللادا» ماڭىنان ءوتىپ بارا جاتقان)؛
«كۇزەت» قىزمەتىنىڭ قىزمەتكەرى ءتاجىبايەۆ مەرحان، 1983 -جىلى تۋعان
ماتروسوۆ ميحايل - «پانتەرا» دۇكەنىنە كەلۋشى ماتروسوۆ ميحايل، 1981-جىلى تۋعان؛
ساپار دوسبول ەركىنبەك ۇلى - اسكەري قىزمەتشى ساپار دوسبول، و ق و تۋماسى، 1997-جىلى تۋعان؛
مايلىبايەۆ دانيەل - اسكەري قىزمەتشى مايلىبايەۆ دانيەل، الماتىلىق، 1975-جىلى تۋعان؛
قاليەۆ بەريك - اسكەري قىزمەتشى قاليەۆ بەرىك، ب ق و تۋماسى، 1978-جىلى تۋعان.
اۆتور: رۋسلان عابباسوۆ
