ىستامبۇلداعى تەراكتىگە بايلانىستى قازاقستان باۋىرلاس تۇرىك حالقىنا كوڭىل ايتادى - س ءى م
وندا قازاقستان 2016 -جىلعى 7 -ماۋسىمدا ىستامبۇل قالاسىندا ورىن الىپ، كوپتەگەن ادامدار قۇربان بولعان تەرروريستىك اكتىنى ءۇزىلدى- كەسىلدى ايىپتايتىنى ايتىلادى.
بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتىنەن حابارلاندى.
«قازاقستان باۋىرلاس تۇرىك حالقىنا جانە قازا بولعانداردىڭ وتباسىلارىنا كوڭىل ايتادى. بارشا مۇسىلمان ءۇشىن قاسيەتتى رامازان ايىندا جاسالعان تەراكت تەرروريستەردىڭ پاسىقتىعى مەن قاتىگەزدىگىن كورسەتىپ، ولاردىڭ يسلامعا ەشقانداي قاتىسى جوقتىعىن راستادى. قازاقستان تەرروريزمنىڭ ورشۋىنە دەگەن ءوزىنىڭ الاڭداۋشىلىعىن ءبىلدىرىپ، الەمدىك قوعامداستىقتىڭ وسى زۇلىمدىقتى جويۋ ءۇشىن ءتيىمدى ۇجىمدىق كۇش جۇمىلدىرۋىن قۇپتايدى. قازاقستان تەرروريزم قاۋىپسىزدىكتىڭ جاھاندىق اۋقىمداعى ءقاۋىپ- قاتەرى ەكەنىنە سەنىمدى»، - دەلىنگەن مالىمدەمەدە.
بۇدان بولەك، حالىقارالىق قۇقىق قاعيداتتارىنا جانە ب ۇ ۇ قاۋىپسىزدىك كەڭەسىنىڭ ءتيىستى قارارلارىن نەگىزگە الا وتىرىپ، قازاقستان ب ۇ ۇ اياسىندا الەمنىڭ بارشا مەملەكەتتەرىن تەرروريزم مەن ەكسترەميزمنىڭ تارالۋىنا قارسى كۇش بىرىكتىرۋگە شاقىرادى.
اۆتور: قانات مامەتقازى ۇلى
