ۇلتتىق قاۋىپسىزدىك كوميتەتى «قازاقستاندى ازات ەتۋ ارمياسى» جونىندەگى مالىمەتتەردى جوققا شىعاردى

استانا. قازاقپارات - ق ر ۇ ق ك «قازاقستاندى ازات ەتۋ ارمياسى» جونىندەگى مالىمەتتەردى جوققا شىعاردى. بۇل تۋرالى كوميتەتتىڭ باسپا ءسوز قىزمەتى حابارلادى.

6- ماۋسىمدا جەكەلەگەن ەلەكتروندىق اقپاراتتىق رەسۋرستاردا اقتوبەدەگى وقيعاعا بايلانىستى جاۋاپكەرشىلىكتى الدەبىر «قازاقستاندى ازات ەتۋ ارمياسى» ءوز موينىنا الدى دەگەن مالىمەت تارالدى.

ۇلتتىق قاۋىپسىزدىك كوميتەتى وسى اقپارتتىڭ شىندىققا جاناسپايتىندىعىن رەسمي مالىمدەيدى. «قازاقستاندى ازات ەتۋ ارمياسى» جوق.

وسىعان بايلانىستى ق ر ۇ ق ك باسپا ءسوز قىزمەتى وتاندىق ب ا ق رەداكتسيالارىنان مۇنداي ماتەريالداردى اسىرەسە رەسمي ەمەس شەتەلدىك دەرەككوزدەردەن كوشىرىپ باسۋدا نە سىلتەمە جاساۋدا ۇلتتىق قاۋىپسىزدىك كوميتەتىنە راستاۋ ءۇشىن نەمەسە تۇسىنىكتەمە الۋ ءۇشىن بايلانىسۋىن سۇرايدى.

ق ر قىلمىستىق كودەكسىنىڭ 242-1- بابىنىڭ 3- تارماعىنا سايكەس كورىنەۋ جالعان اقپاراتتى تاراتۋ 5 مىڭ ا ە ك كولەمىندە، نەمەسە 2 جىلدان 5 جىل ارالىعىندا باس بوستاندىعىن شەكتەۋ نەمەسە سول مەرزىمدە باس بوستاندىعىنان ايىرۋ جازاسى قاراستىرىلعانىن ەسكە سالادى.