م. قۇل-مۇحاممەد مەملەكەت باسشىسىنىڭ اتىنان اقتوبەدە قازا بولعانداردىڭ وتباسىلارىنا كوڭىل ايتتى
قالاعا كىرەتىن جولداردا كۇشەيتىلگەن تەكسەرۋ بەكەتتەرى جۇمىس ىستەۋدە. كەشە تۇنگى ۋاقىتتا ساعات 21:00 دەن كەيىن قالادان كولىكتەر شىعارىلعان جوق.
بۇگىن قالادا ينتەرنەت ىسكە قوسىلدى. كەشەدەن بەرى قوعامدىق كولىكتەر جۇمىس ىستەۋدە.
تاڭەرتەڭنەن وبلىس اكىمى بەردىبەك ساپاربايەۆ جانە «نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحاممەد لاڭكەستەر قولىنان قازا تاپقانداردىڭ تۋعان-تۋىستارى مەن جاقىندارىنا بارىپ، كوڭىل ايتتى.
«نۇرسۇلتان ءابىش ۇلى سىزدەرگە كوڭىل ايتۋ ءۇشىن ارنايى مەنى جىبەردى. مەملەكەت باسشىسى كىنالىلەردى زاڭناما اياسىندا قاتاڭ جازالاۋعا تاپسىرما بەردى. بۇلار ادام ەمەس، ولاردى ەشقانداي دا ءدىني ءۋاج اقتاي المايدى. ءبىز قايعىلارىڭىزعا ورتاقپىز. بارشا اقتوبە، بارشا قازاقستان سىزدەرمەن بىرگە. ءبىز كىنالىلەردى ۇستادىق، قالعاندارىن تابامىز، ياعني ولاردىڭ كىمدەر ەكەنىن بىلەمىز»، - دەدى مۇحتار قۇل-مۇحاممەد.
وبلىس اكىمى اپپاراتى باسشىسىنىڭ ورىنباسارى ەرنۇر بۋراحاننىڭ حابارلاۋىنشا، قازا بولعان اقتوبەلىكتەردىڭ دەنەسى تۋىستارىنا ەرتەڭ جەتكىزىلەدى. قاقتىعىس كەزىندە كوز جۇمعان اسكەري قىزمەتشىلەردىڭ مايىتتەرى ۇشاقپەن تۋعان ەلدى مەكەندەرىنە جىبەرىلدى.
اۆتور: رۋسلان عابباسوۆ
