قازاقستاندا اۆتوموبيلدەردى تىركەۋ جانە جۇرگىزۋشى كۋالىگىن بەرۋ ەرەجەلەرىندەگى وزگەرىستەر كۇشىنە ەندى

استانا. قازاقپارات - بۇگىننەن باستاپ كولىك قۇرالدارىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ جانە ەسەپكە الۋ ەرەجەسىنە،

كولىك قۇرالدارىن تىركەلۋ بارىسىندا ۇسىنىلاتىن قۇجاتتار (زاڭدى تۇلعا جارعىسى الىنىپ تاستالدى) تىزبەسىن قىسقارتۋ بولىگىندە ەمتيحان الۋ جانە جۇرگىزۋشى كۋالىگىن بەرۋ (قر ءى ءى م- ءنىڭ 2016-جىلعى 12- ساۋىردەگى 383№ بۇيرىعى) ەرەجەسىنە وزگەرىستەر كۇشىنە ەندى، سونىمەن قاتار كولىك قۇرالدارىن تىركەۋ تۋرالى كۋالىكتى اۋىستىرعاندا (جوعالعاندا) كولىك قۇرالدارىن تەكسەرۋ جويىلدى.

بۇل تۋرالى ق ر ءى ءى م اكىمشىلىك پوليتسيا كوميتەتىنەن حابارلادى.

سونىمەن قاتار اتالعان وزگەرىستەرگە سايكەس، بۇگىننەن باستاپ تىركەلگەن تۇرعىلىقتى مەكەنجايىنا قاراماستان مەملەكەتتىك كورپوراتسيا عيماراتىندا ورنالاسقان تىركەۋ-ەمتيحان الۋ بولىمشەسىندە ەمتيحان تاپسىرعان تۇلعالارعا جۇرگىزۋشى كۋالىگى بەرىلەدى.

بۇعان قوسا، ازاماتتارعا دەربەس دايىندالۋعا جانە «ازاماتتار ءۇشىن ۇكىمەت» مەملەكەتتىك كورپوراتسياسى عيماراتىندا ورنالاسقان تىركەۋ-ەمتيحان الۋ بولىمشەسىندە «А, А1, В, В1» ساناتتارىندا اۆتوموتو كولىك قۇرالدارىن باسقارۋ قۇقىعىنا جۇرگىزۋشى كۋالىگىن الۋ ەمتيحانىن تاپسىرۋعا مۇمكىندىك بەرەتىن نورما ەنگىزىلدى.

ەمتيحانداردى الۋ پروتسەدۋراسى وزگەرىسسىز قالادى، تەوريالىق جانە پراكتيكالىق كەزەڭدەردەن تۇرادى. كولىك قۇرالى جۇرگىزۋشىلىگىنە كانديدات 40 مينۋت بويى تەوريالىق ەمتيحان تاپسىرادى. 32 سۇراققا دۇرىس جاۋاپ بەرگەن جاعدايدا پراكتيكالىق ەمتيحانعا جىبەرىلەدى.

پراكتيكالىق ەمتيحان تاپسىرۋ بارىسىندا كانديدات 20 مينۋت بويى ءبىر-بىرىمەن بەلگىلى باعدار بويىنشا بايلانىسقان 12 سىناق جاتتىعۋىن تاپسىرۋى ءتيىس. بۇل رەتتە ايىپ بالدارى 100 دەن اسپاۋى قاجەت.

«ازاماتتار ءۇشىن ۇكىمەت» مەملەكەتتىك كورپوراتسياسىندا كولىك جۇرگىزۋ داعدىسى بويىنشا پراكتيكالىق ەمتيحان الۋ قاجەتتى تەحنيكالىق قۇرالدارمەن جابدىقتالعان، اۆتوماتتاندىرىلعان اۆتودرومداردا جۇرگىزىلەدى.

اۆتور: مارلان جيەمباي