الماتىدا اسفالتقا سۋرەت سالۋ بويىنشا «مەنىڭ وتانىم - قازاقستان» اتتى بايقاۋ ءوتتى - فوتو

الماتى. قازاقپارات - الماتىدا ق ر مەملەكەتتىك رامىزدەرى كۇنى قۇرمەتىنە اسفالتقا سۋرەت سالۋ بويىنشا «مەنىڭ وتانىم - قازاقستان» اتتى بايقاۋ ۇيىمداستىرىلدى.

  الماتى قالالىق ت ج د «ءورت ءسوندىرۋ قىزمەتى جانە اپاتتىق- قۇتقارۋ جۇمىستارى» مەملەكەتتىك مەكەمەسىنىڭ №14 مامانداندىرىلعان ءورت ءسوندىرۋ ءبولىمىنىڭ اۋماعىندا وتكەن شاراعا 5 جاستان 12 جاس ارالىعىنداعى بالالار قاتىستى.

 ولار اسفالت بەتىنە وتباسىنا، قازاقستانعا، الماتىعا، استاناعا قاتىستى ءار ءتۇرلى سۋرەتتەر سالدى.

مىسالى، 4 جاستاعى الينا تابيعاتتى، ءۇيدى، قۇستار مەن اعاشتاردىڭ بەينەسىن سالسا، 7 جاستاعى نازگۇل استانا قالاسىنىڭ كورىكتى جەرلەرىن بەينەلەدى.

بايقاۋ كوميسسيا ءار ءتۇرلى جاس كاتەگورياسى بويىنشا جەڭىمپازداردى انىقتادى. ءورت ءسوندىرۋ قىزمەتى جانە اپاتتىق- قۇتقارۋ جۇمىستارى» مەملەكەتتىك مەكەمەسى باستىعىنىڭ ورىنباسارى، ازاماتتىق قورعانىس مايورى باعدات شايزادا بالالارعا العىسىن ءبىلدىرىپ، دەندەرى ساۋ بولىپ، وتانىن شىن سۇيەتىن پاتريوت ازامات بولىپ وسۋلەرىنە تىلەكتەستىك ءبىلدىردى.

 بايقاۋعا قاتىسۋشى بالالاردىڭ بارلىعىنا ەستەلىك سىيلىقتار جانە تاتتىلەر تابىستالدى.