08:09, 07 - ماۋسىم 2016 | GMT +5
ەلىمىزدىڭ مادەنيەت جانە سپورت ءمينيسترى ەلدى شۋلاتقان دوپينگ ماسەلەسىنە قاتىستى پىكىرىن ءبىلدىردى - كەسكىن
استانا. قازاقپارات - «حالىقارالىق وليپيادا كوميتەتىنەن دوپينگكە بايلانىستى رەسمي حات كەلگەن جوق. سوندىقتان ازىرگە يليا ءيليندى ايتىپتاۋ ورىنسىز».
ەلىمىزدىڭ مادەنيەت جانە سپورت ءمينيسترى ارىستانبەك مۇحامەدي ۇلى ەلدى شۋلاتقان دوپينگ ماسەلەسىنە قاتىستى كەشە وسىنداي پىكىر ءبىلدىردى، دەپ حابارلادى 24.kz.
ءمينيستردىڭ ايتۋىنشا، حالىقارالىق وليمپيادا كوميتەتى قازاقستاننىڭ ۇلتتىق وليمپيادا كوميتەتىنە دوپينگ- تەستتىڭ ناتيجەسى جازىلعان رەسمي قاعاز جىبەرۋى ءتيىس. ال ورتا جولدان اقپارات تاراتقانداردىڭ سوزىنە قاتىستى تەرگەۋ باستالعان. سوندىقتان ونىڭ قورىتىندىسىن كۇتۋ كەرەك.
«ماسەلەنىڭ اق-قاراسى اجىراتىلماي، داتتاۋعا دا، جاقتاۋعا دا بولمايدى. دوپينگ باقىلاۋعا بايلانىستى سىزدەردە مىنانداي، مىنانداي ازاماتتاردا قاۋىپ بار دەگەن اقپارات كەلەدى. سول كەزدە عانا ءبىز ىسكە كىرىسەمىز»، - دەدى مينيستر.
