مەملەكەتتىك ءتىل، قازاق ءتىلىن دامىتۋعا قوسقان ۇلەسى ءۇشىن ت. بەكبوسىنعا العىس ءبىلدىرىلدى

استانا. قازاقپارات - جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىسى ءىلياس يسپانوۆ دەپارتامەنتتىڭ اقپاراتتىق قامتاماسىز ەتۋ ءبولىمى مەملەكەتتىك ءتىلدى دامىتۋ جانە رەداكسيالىق- باسپا جۇمىسى سەكتورىنىڭ مەڭگەرۋشىسى تىلەۋلى عاسىل ۇلى بەكبوسىنعا زەينەتكەرلىككە شىعۋىنا وراي مەملەكەتتىك ءتىلدى دامىتۋعا قوسقان ۇلەسى ءۇشىن العىس ءبىلدىردى.

العىس حات ۇسىنا وتىرىپ، ءى. يسپانوۆ ت. بەكبوسىننىڭ رەسپۋبليكالىق سوت ورگاندارىنىڭ مەملەكەتتىك تىلدەگى ءىس قاعازدارى مەن سوت ءىسىن جۇرگىزۋدى دامىتۋعا قوسقان ۇلەسىن اتاپ ءوتتى.

«بۇگىنگى تۋعان كۇن يەسىنە ءتان جوعارى بىلىكتىلىك پەن ءوز جۇمىسىنا دەگەن ادالدىق جاس ماماندار ءۇشىن ۇلگى تۇتارلىق قاسيەتتەر»، - دەدى ول.

ءىس- شارا بارىسىندا ارىپتەستەرى ت. بەكبوسىننىڭ كاسىبيلىگى مەن تياناقتىلىعىن، سونداي-اق جوعارى جاۋاپكەرشىلىگىن ەرەكشە ايتىپ ءوتتى.

اۆتور: ن. نۋراحمەت