قازاقستاننىڭ ازاماتتىق قوعامى اقتوبەدە ورىن العان ەكسترەميزمنىڭ بايقالۋىن ايىپتادى
ساياسي پارتيالارى، قازاقستان حالقى اسسامبلەياسى، ۇ ە ۇ- لار بارلىق مۇسىلماندار ءۇشىن قاسيەتتى رامازان ايىندا جاسالعان تەراكتىنى ارسىز قىلمىسقا تەڭەدى، جانە قازا تاپقانداردىڭ جانۇيالارى مەن تۋىسقاندارىنا كوڭىل ايتتى.
«شابۋىل كەزىندە ەلىمىزدىڭ جازىقسىز ازاماتتارى مەن قۇقىققورعاۋ ورگاندارىنىڭ قىزمەتكەرلەرى قازا تاپتى، زارداپ شەككەندەرى دە بار. بۇل - مۇسىلمانداردىڭ قاسيەتتى رامازان ايىنداعى جاسالعان ارسىز قىلمىس. كىنالىلەر قاتاڭ جازالاناتىنىنا سەنىمدىمىز» ، دەلىنگەن قازاقستان كوممۋنيستىك حالىق پارتياسى (ق ك ح پ) مالىمدەمەسىندە.
اقتوبەدە بولعان وقيعا ءبىز قوعام بولىپ وسى زاۋالدىڭ تارالۋىنا قارسى تۇرۋىمىز كەرەكتىگىن كورسەتتى.
ءبىز ەلىمىزدەگى تۇراقتىلىقتى بارىنشا باعالاي ءبىلۋىمىز كەرەك، كۇش قوسا وتىرىپ ورتاق ۇيىمىزدەگى بەيبىتشىلىك پەن تىنىشتىقتى ساقتاۋىمىز قاجەت»، دەپ ءمالىم ەتتى ق ك ح پ.
«بىرلىك» ساياسي پارتياسى وتكەن جەكسەنبىدە اقتوبە قالاسىنداعى تەرىس اعىمداعى ءدىن ۇستانۋشىلار جاساعان تەرراكتىنى قاتاڭ سىنعا الدى، قوعامىمىزداعى تۇراقتىلىق پەن بەيبىت ءومىردى ارى قاراي نىعايتۋعا شاقىردى.
«ەكسترەميستەردىڭ بۇنداي ارەكەتتەرىنە قاتاڭ جاۋاپ بەرۋ قاجەت، ءدىني ەكسترەميزم مەن تەرروريزمنىڭ كەز كەلگەن كورىنىستەرىنىڭ الدىن الۋ كەرەك دەپ ەسەپتەيمىز. بۇل زۇلىمدىققا قارسى كۇرەستە ىنتىماقتاستىق قاجەت. ءبىز ەلىمىزدەگى بەيبىتشىلىك پەن كەلىسىمدى ساقتاپ قالۋ ءۇشىن بارلىق كۇش- جىگەرىمىزدى سالۋعا دايىن ەكەنىمىزدى بۇكىل الەمگە كورسەتۋىمىز كەرەك»، دەلىنگەن «اۋىل» حالىقتىق- دەموكراتيالىق پاتريوتتىق پارتياسىنىڭ مالىمدەمەسىندە.
قازاقستاننىڭ ازاماتتىق اليانسى 5 ماۋسىمداعى اقتوبەدە ەكسترەميزمدى سىنعا الا وتىرىپ: «بۇل وقيعا - قازاقستاندىق قوعامدا تۇراقتىلىقتى نىعايتۋدىڭ ماڭىزدىلىعىن كورسەتتى.
ويتكەنى جالعان ءدىني ۇرانداردى جامىلعان جاسىرىنعان ەكسترەميزم مەن تەرروريزم ءبىزدىڭ ەلدىڭ عانا ەمەس، سونىمەن قاتار بۇكىل الەمدەگى قاۋىپسىزدىككە قاتەر توندىرەدى»، دەدى.
قازاقستاننىڭ ازاماتتىق اليانسى بارلىق قازاقستاندىقتاردى ەلىمىزدەگى تۇراقتىلىقتى جوعارى باعالاپ، بىرلەسىپ ورتاق شاڭىراقتاعى بەيبىتشىلىك پەن تىنىشتىقتى قورعاۋعا شاقىردى.
قازاقستان حالقى اسسامبلەياسى 5 -ماۋسىمدا اقتوبەدە ورىن العان ەكسترەميزمنىڭ بايقالۋىن ءۇزىلدى- كەسىلدى سىنعا الدى.
«بۇل قۇبىلىستار الەمنىڭ بارشا مۇسىلماندارى ءۇشىن قاسيەتتى رامازان ايىنىڭ قارساڭىندا ورىن الدى. بۇل بارشا قازاقستان ازاماتى ءۇشىن ءقاۋىپتى. مۇنداي ارەكەتتەر ازاماتتاردىڭ بىرلىگىن بۇزۋعا باعىتتالادى. بارلىق قازاقستاندىق مۇنداي زاڭسىزدىقتى سىناپ، بۇعان قارسى قارۋ رەتىندە بىرلىكتى، قوعامدىق كەلىسىم مەن ازاماتتىق پاتريوتيزمدى قولدانادى»، دەلىنگەن مالىمدەمەدە.
قازاقستان حالقى اسسامبلەياسى ەل حالقىن مەملەكەت باسشىسىنىڭ قاۋىپسىز، تۇراقتى قازاقستاندى نىعايتىپ، دامىتۋعا ارنالعان باعىتى توڭىرەگىندە جۇمىلۋعا شاقىرادى.
«بارلىعىمىز قىراعىلىق پەن سابىرلىق، ازاماتتىق بورىش پەن جاۋاپكەرشىلىك تانىتىپ، تۇراقتىلىقتى قورعاۋىمىز كەرەك.
ءبىزدىڭ بىرىككەن حالىق، ءوز ەلىمىزدىڭ پاتريوتتارى ەكەنىمىزدى بارشاسى ءبىلسىن!»، - دەپ اتاپ وتكەن قازاقستان حالقى اسسامبلەياسى.
