16:45, 06 - ماۋسىم 2016 | GMT +6
ەكسترەميزم ءبىزدىڭ ەلگە عانا ەمەس بۇكىل الەمگە قاتەر توندىرەدى - قازاقستاننىڭ ازاماتتىق اليانسى
استانا. قازاقپارات - قازاقستاننىڭ ازاماتتىق اليانسى 5 -ماۋسىمدا اقتوبەدە ورىن العان ەكسترەميزمدى سىنعا الدى.
قاسيەتتى رامازان ايى قارساڭىندا ورىن العان ارسىز قىلمىس قاتىگەزدىگىمەن جانە ايارلىعىمەن جاعا ۇستاتتى.
قازاقستاننىڭ ازاماتتىق اليانسى قازا تاپقانداردىڭ جانۇيالارى مەن تۋعاندارىنا كوڭىل ايتىپ، جاراقاتتانعانداردىڭ تەز ساۋىعىپ كەتۋىنە تىلەكتەستىگىن ءبىلدىردى.
«بۇل وقيعا - قازاقستاندىق قوعامدا تۇراقتىلىقتى نىعايتۋدىڭ ماڭىزدىلىعىن كورسەتتى.
ويتكەنى جالعان ءدىني ۇراندارمەن جاسىرىنعان ەكسترەميزم مەن تەرروريزم ءبىزدىڭ ەلدىڭ عانا ەمەس، سونىمەن قاتار بۇكىل الەمدەگى قاۋىپسىزدىككە قاتەر توندىرەدى.
قازاقستاننىڭ ازاماتتىق اليانسى بارلىق قازاقستاندىقتاردى ەلىمىزدەگى تۇراقتىلىقتى جوعارى باعالاپ، بىرلەسىپ ورتاق شاڭىراقتاعى بەيبىتشىلىك پەن تىنىشتىقتى قورعاۋعا شاقىرادى»، دەلىنگەن
ازاماتتىق اليانستىڭ مالىمدەمەسىندە.
