قازاقستاندا قارۋ ساتاتىن دۇكەننىڭ كۇزەتشىلەرىن قارۋمەن جابدىقتاۋ ۇسىنىلدى

استانا. قازاقپارات - «قورامساق» اسسوتسياتسياسىنىڭ ۆيتسە- پرەزيدەنتى سەرگەي كاتنوۆ قارۋ ساتاتىن دۇكەندەردىڭ كۇزەتشىلەرىن قارۋمەن جابدىقتاۋدى ۇسىندى، - دەپ حابارلايدى Tengrinews.kz ءتىلشىسى.

ونىڭ ايتۋىنشا، كۇزەتشىلەرگە ءوزىن قورعاۋعا مۇمكىندىك بەرىلۋى ءتيىس. ەستەرىڭىزدە بولسا، 2016-جىلدىڭ 5- ماۋسىمىندا اقتوبەدەگى «پانتەرا» جانە «پاللادا» دۇكەندەرىنە قارۋلى شابۋىل جاسالىپ، سالدارىنان قارۋ ساتاتىن دۇكەننىڭ ساتۋشىسى قازا تاپقان بولاتىن.

سونىمەن قاتار، ول قىزمەتكەرلەر مەن كۇزەتشىلەردىڭ لايىقتى قارسىلىق تانىتاتىنىنا سەنىمسىزدىك تانىتتى. «ساتۋشىنىڭ بارلىعىنا بىردەي قارسىلىق تانىتۋى بولەك ماسەلە. دەگەنمەن، ولارعا ءوزىن قورعاۋعا مۇمكىندىك بەرىلۋى ءتيىس»، - دەدى ول. «جاعداي تۇسىنىكسىز. ارتىندا ونداعان قارۋى بار ادامنىڭ وزىندە قارۋ جوق، سونىمەن قاتار، ول ارتىنداعى قارۋدى پايدالانا المايدى. ءبىزدىڭ دۇكەندەردىڭ ساتۋشىلارىنىڭ كوبى ارنايى قىزمەتتەن وتكەن، ۇ ق ك- ءنىڭ، پوليتسيانىڭ بۇرىنعى قىزمەتكەرلەرى»، - دەدى كاتنوۆ.