18:22, 05 - ماۋسىم 2016 | GMT +5
سيريا اسكەرى راككا پروۆينسياسىنىڭ شەكاراسىن بۇزىپ كىردى
استانا. قازاقپارات - سيريا ۇكىمەتىنىڭ اسكەرى رەسەي اسكەري عارىش كۇشتەرىنىڭ كومەگىمەن لاڭكەستەر باقىلاۋىنداعى راككا پروۆينسياسىنىڭ شەكاراسىن بۇزىپ كىردى.
بۇل تۋرالى لوندونداعى سيرياداعى ادام قۇقىعىن قورعاۋ ورتالىعى مالىمدەدى، دەپ جازادى 24.kz.
شابۋىل جاساعان ۇكىمەت اسكەرى تگيل لاڭكەستەرىنەن ستراتەگيالىق ماڭىزى زور ەلدى مەكەندى تارتىپ الدى. بۇل سوڭعى كۇندەرى سودىرلارعا جاسالعان ءۇشىنشى ۇلكەن سوققى بولىپ وتىر.
ا ق ش باسقاراتىن كواليتسيا كومەگىمەن يراك جاۋىنگەرلەرى دە ءال- فاللۋدجا قالاسى ءۇشىن سوعىستا سودىرلارعا جويقىن سوققى جاساۋدا. وعان قوسا، سيرياداعى كۇرت جاساعى دا وسى كواليتسيا كومەگىمەن الەپپوداعى مانبيدج قالاسىن لاڭكەستەردەن ازات ەتكەن.
ايتا كەتەيىك، راككا تگيل لاڭكەستەرىنىڭ استاناسى بولىپ سانالادى.
