مەملەكەتتىك رامىزدەر تاريحىنان قىزىقتى فاكتىلەر
1992 - جىلدىڭ باسىندا جوعارعى كەڭەس پرەزيديۋمىنىڭ جاڭا مەملەكەتتىك سيمۆوليكانى دايىنداۋ بويىنشا جۇمىس توبىن قۇرۋ تۋرالى قاۋلىسى شىقتى. سوعان سايكەس ارنايى شىعارماشىلىق كوميسسيا قۇرىلدى. ونىڭ قۇرامىنا سالىق زيمانوۆ، ەربول شايمەردەنوۆ جانە ت. ب. سياقتى قايراتكەرلەر كىرگەن.
ەلتاڭبا، تۋ، ءانۇران جوبالارىن جاساۋ بايقاۋى جاريالانىپ، وعان 600 دەن استام ادام قاتىستى. مەملەكەتتىك تۋ ەسكيزدەرىنىڭ شىعارماشىلىق ەڭبەكتەرى بار بارلىعى 1200 ءوتىنىم بەرىلدى. سونداي- اق بولاشاق مەملەكەتتىك ەلتاڭبانىڭ 245 سۋرەت جوباسى مەن 67 سۋرەتتەمەسى جانە مەملەكەتتىك ءانۇراننىڭ 750 نۇسقاسى ۇسىنىلعان.
بايقاۋ قاتىسۋشىلارىنىڭ الدىندا كۇردەلى مىندەت تۇردى. مەملەكەتتىك رامىزدەر تەك ەستەتيكالىق تالاپتارعا جاۋاپ بەرىپ قويماي، تاريحي، ساياسي، ەكونوميكالىق سيمۆوليزمگە سايكەس كەلۋى ءتيىس بولدى. جاس ەگەمەندى مەملەكەتتىڭ ساياسي ءمانى مەن ماقساتىن ناقتىلى تۇردە كورسەتەتىن كوركەمدىك شەشىم تابۋ قاجەت بولدى.
بۇل شاكەن نيازبەكوۆ (تۋ اۆتورى)، جانداربەك مالىبەكوۆ جانە شوتا ءۋاليحانوۆ (ەلتاڭبا اۆتورلارى)، ءشامشى قالداياقوۆ (ءانۇران اۋەنى)، جۇمەكەن ناجىمەدەنوۆ ء(انۇران ءماتىنى) سياقتى شەبەرلەردىڭ قولىنان كەلگەن ءىس بولدى.
مەملەكەتتىك رامىزدەردى قابىلداۋ پروتسەسىندە قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ ءرولى ەرەكشە بولدى. مەملەكەتتىك ءانۇران ماتىنىنە جەكەلەگەن تۇزەتۋلەر ەنگىزگەن قازاقستان پرەزيدەنتى نۇرسۇلتان نازاربايەۆ بىرىكتىرىلگەن اۆتورلىق ۇجىمنىڭ قۇرامىنا كىردى. مەملەكەت باسشىسى سونداي- اق تەرميندەردىڭ قازاق تىلىندە پايدالانىلۋىنا كوڭىل اۋداردى. ونىڭ باستاماسى بويىنشا «ەلتاڭبا»، «ءانۇران»، «نىشان، ءرامىز» سياقتى رەسمي تەرميندەر ەنگىزىلگەن.
قازاقستان رەسپۋبليكاسىنىڭ مەملەكەتتىك رامىزدەرى 1992 -جىلدىڭ 4 - ماۋسىمىندا قابىلداندى.
ءبىزدىڭ وتانداستارىمىز قازاقستان تۋىن الەمدىك جارىستار مەن وليمپيادالاردىڭ جەڭىستى جولدارىمەن ءتورت مىڭ رەت ۇستاپ ءجۇرىپ، ونى عالامشاردىڭ بارۋعا جولى ەڭ قيىن ءتۇرلى جەرلەرىنە، ەڭ بيىك تاۋ شىڭدارىنا جانە عارىشقا تىكتى.
1 - شىلدەدە عارىش ستانساسىنىڭ بورتىندا ءبىزدىڭ مەملەكەتتىك تۋدىڭ قاسىندا ءسوز سويلەگەن تالعات مۇسابايەۆتىڭ عارىشقا ۇشقانىنا 22 جىل تولادى.
2015 -جىلى عارىشكەر ايدىن ايىمبەتوۆتىڭ عارىشقا ساپارى كەزىندە قازاقستان رەسپۋبليكاسىنىڭ مەملەكەتتىك تۋى جەر شارىن 150 دەن استام رەت اينالىپ ۇشتى.
2011 -جىلدىڭ 14 - جەلتوقسانىندا وڭتۇستىك پوليۋسكە شىعۋدىڭ 100 جىلدىق مەرەيتويىندا قازاقستان رەسپۋبليكاسىنىڭ تۋى انتاركتيدادا تىگىلدى.
2015 - جىلدىڭ 14 - ساۋىرىندە قازاقستاندىق شاڭعى ەكسپەديتسياسى قازاقستان رەسپۋبليكاسىنىڭ تۋىن سولتۇستىك پوليۋس - اركتيكادا تىكتى.
1995 - جىلى ابايدىڭ 150 جىلدىعىنا قارسى مەملەكەت باسشىسى نۇرسۇلتان ءابىش ۇلى نازاربايەۆ مەملەكەتتىك تۋدى ىلە الاتاۋىنىڭ «اباي» شىڭىنا تىكتى.
2012 -جىلدىڭ 23 - اقپانىندا قازاقستاندىق اندرەي گۋنداريەۆ وڭتۇستىك افريكانىڭ ەڭ بيىك نۇكتەسى - «وحوس- دەل- سالادو» باعىندىردى، قازاقستاندىق تۋ وسىلايشا الەمدەگى ەڭ بيىك جانارتاۋعا تىگىلگەن.
2014 -جىلى قازاقستاندىق الپينيست ماقسۇت جۇمايەۆ سولتۇستىك امەريكانىڭ ەڭ بيىك تاۋى - «ماك- كينلي» شىڭىنا شىعىپ، وندا قازاقستاندىق تۋدى ورناتتى.
قازاقستاننىڭ تۋى سونداي- اق باتىس ەۋروپانىڭ ەڭ بيىك نۇكتەسى - بيىكتىگى 4810 مەتردى قۇراعان «مونبلانعا» كوتەرىلگەن.
ەلىمىزدىڭ مەملەكەتتىك تۋى مەن مەملەكەتتىك ءانۇرانى ازيا مەن بۇكىل الەمنىڭ ەڭ بيىك شىڭدارى - پامير تاۋىنىڭ «لەنين» شىڭىنا (7134 مەتر) جانە ەۆەرەستە (8800 مەتر) كوتەرىلىپ، شىرقالعان.
2011 -جىلى ماقسۇت جۇمايەۆ پەن ۆاسيلي ليەۆتسوۆ قازاقستاننىڭ تۋىن ازيانىڭ ەڭ كۇردەلى تاۋ شىڭى - بيىكتىگى 8611 مەتر «قاراقورىم چوگوريگە» تىكتى.
