10:40, 04 - ماۋسىم 2016 | GMT +5
قازاقستاندىق اۋىر اتلەت چينشانلو لوندوندا العان التىن مەدالىنان ايىرىلۋى مۇمكىن
استانا. قازاقپارات - 2012 -جىلعى وليمپيادا چەمپيونى، قازاقستاندىق اۋىر اتلەت ءزۇلفيا چينشانلونىڭ دوپينگ- سىناماسى وڭ ناتيجەسىن بەردى. (دوپينگ تابىلدى)
بۇل تۋرالى قىتايلىق China Post گازەتى جازدى.
22 جاستاعى چينشانلو لوندونداعى وليمپيادا ويىندارىندا جەڭىپ العان التىن مەدالدان ايىرىلۋى مۇمكىن. بارلىعى «ب» سىناماسىن اشقان سوڭ بەلگىلى بولادى.
لوندونداعى ويىندارعا قاتىسىپ، التىن جۇلدەلەردى جەڭىپ العان بەس اۋىر اتلەتتىڭ دوپينگ- سىنامالارى وڭ ناتيجە كورسەتكەنى حابارلانىپ وتىر، دەپ جازادى ت ا س س.
بۇعان دەيىن حالىقارالىق وليمپيادا كوميتەتى (ح و ك) 2012 - جىلعى ويىنداردىڭ 23 سپورتشىسىنىڭ «ا» دوپينگ- سىنامالارىنىڭ قايتا تالداۋى وڭ ناتيجە بەرگەنىن حابارلادى. بۇل اتلەتتەر التى ەلدەن كەلىپ، سپورتتىڭ بەس تۇرىنەن قاتىستى. ح و ك سىنامالاردى قايتا تەكسەرۋدى شەشىپ، برازيلياداعى وليمپيادا ويىندارىندا شىعۋى ءتيىس سپورتشىلارعا باسا كوڭىل ءبولدى.
