بۇگىن استانادا مىڭنان استام تۇلەك ۇ ب ت تاپسىردى

استانا. قازاقپارات - بۇگىن رەسپۋبليكا بويىنشا ۇلتتىق ءبىرىڭعاي تەستىلەۋ باستالدى. ءبىرىنشى كۇنى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە، س. سەيفۋللين اتىنداعى قازاق اگروتەحنيكالىق ۋنيۆەرسيتەتىندە 1197 تۇلەك تەست تاپسىردى، astana.gov.kz.

جالپى، بيىل 4106 ەلوردالىق تۇلەك ۇلتتىق ءبىرىڭعاي تەستىلەۋگە قاتىسادى. 2016-جىلى 4695 وقۋشى مەكتەپ بىتىرگەن.

ۇ ب ت تاپسىراتىن وقۋشىلاردىڭ جالپى سانىنان 196 وقۋشى «التىن بەلگى» مەدالىنە، 89 ى ەرەكشە ۇلگىدەگى اتتەستات الۋعا ۇمىتكەر.

استانادا ۇ ب ت 2-6- ماۋسىم ارالىعىندا التى كەزەكپەن وتەدى. قالالىق مەكتەپ وقۋشىلارى ءبىرىڭعاي ەمتيحاندى 2, 4, 6- ماۋسىمدا ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە جانە س. سەيفۋللين اتىنداعى قازاق اگروتەحنيكالىق ۋنيۆەرسيتەتىندە، ال 3, 5- ماۋسىمدا قازاق گۋمانيتارلىق زاڭ ۋنيۆەرسيتەتىندە تاپسىرادى.

بەس ءپان بويىنشا وتەتىن تەستىلەۋ 3,5 استرونوميالىق ساعاتقا جالعاسادى.