08:03, 02 - ماۋسىم 2016 | GMT +5
سافاريدە جۇرگەن ايگىلى ءارتىس شۆارتسەنەگگەردىڭ كولىگىنە ءپىل شابۋىلدادى - كەسكىن
استانا. قازاقپارات - وڭتۇستىك افريكادا سافاريدە سەرۋەندەپ جۇرگەن ءارتىس ارنولد شۆارتسەنەگگەردىڭ كولىگىنە ءپىل شابۋىلدادى.
كاليفورنيانىڭ بۇرىنعى گۋبەرناتورى فيدەونى تۋيتتەردەگى پاراقشاسىندا جاريا ەتتى، دەپ حابارلايدى رەسەيلىك ت ا س س اگەنتتىگى.
«مەن بۇل وقيعانى كينوعا ارناپ تۇسىرسەم دە اسەرلى ەتىپ ورايلاستىرا الماس ەدىم. ءبىرازىمىز قورىققانىمىزدان شالبارىمىزدى اۋىستىرا جازدادىق»، - دەپ جازدى شۆارتسنەگگەر.
«وسىنداي عاجاپ جانۋارلارعا سۇيسىنە قارايمىن، - دەيدى گولليۆۋد جۇلدىزى. - مەن ولاردى ادامداردىڭ ءپىل سۇيەگىن الۋ ءۇشىن جويۋىنا قارسىمىن».
ەسكە سالا كەتسەك، شۆارتسنەگگەر وڭتۇستىك افريكادا ءوزىنىڭ اتىمەن اتالىپ وتكىزىلىپ جاتقان Arnold Sports Festival مۋلتيسپورتتىق جارىستار فەستيۆالىنە قاتىسۋدا.
