كەڭەس راقىشەۆ لوندوندا الەمدەگى ەڭ قاۋىپسىز سمارتفوندى تانىستىردى
Solarin اتتى ۋلترا زاماناۋي گادجەتتى تانىستىرعان Sirin Labs كومپانياسىن راقىشەۆ 2013-جىلى McKinsey كومپانياسىنىڭ بۇرىنعى كەڭەسشىسى تال كوحەنمەن جانە سۋرەتتەر الماسۋعا ارنالعان Mobli جەلىسىنىڭ نەگىزىن قالاۋشى موشە حوگەگپەن بىرگە قۇرعان بولاتىن.
گادجەتتى جاساۋشىلاردىڭ ايتۋىنشا، بۇل انتي-كيبەرشابۋىل جۇيەسى ورناتىلعان الەمدەگى ەڭ قاۋىپسىز العاشقى سمارتفون. تەلەفوننىڭ ارتقى تۇسىندا ارنايى تەتىك بار. ونى باسقان كەزدە تەلەفون اۆتوماتتى تۇردە «ەكران رەجيمىنە» وتەدى. ياعني سمارتفون يەسى سيفرلانعان نومەرلەرگە قوڭىراۋ شالا الادى.
گادجەتتىڭ ديسپلەيى - 5,5 ديۋيمدى، 2K. سونىمەن قاتار، تەلەفوننىڭ 23,8-مەگاپيكسەلدى لازەرلى كامەراسى مەن Snapdragon 810 پروتسەسسور، Sna Snapdragon 810، Wi-Fi جانە باسقا دا مۇمكىندىكتەرى بار.
Wired.co.uk باسىلىمىنىڭ مالىمەتىنشە، Solarin سمارتفونىن بەلگىلى ديزاينەر كارىم راشيد جاساعان. سمارتفون ءتورت نۇسقادا تانىستىرىلادى.
ايتا كەتەيىك، تانىستىرۋ شاراسىنا بەلگىلى اكتەرلەر لەوناردو دي كاپريو مەن توم حاردي، سۋپەرمودەل يرينا شەيك جانە باسقا دا تانىمال تۇلعالار قاتىستى.
