كەلەسى جىلى استانادان توكيوعا تىكەلەي رەيس اشىلادى

استانا. قازاقپارات - ق ر ينۆەستيتسيا جانە دامۋ مينيسترلىگىنىڭ ازاماتتىق اۆياتسيا كوميتەتى جاڭا رەيستەردىڭ اشىلاتىنىن مالىمدەدى.

كوميتەت ءتوراعاسىنىڭ ورىنباسارى تالعات لاستايەۆتىڭ ايتۋىنشا، 2016-جىلدىڭ ماۋسىم ايىندا استانادان تەگەرانعا تىكەلەي رەيس ۇشادى. يران تارابىمەن اراداعى كەلىسىمگە ساي، قازاقستاننىڭ ەكى قالاسىنان يران استاناسىنا اپتاسىنا 14 رەت رەيس ۇشادى.

ت. لاستاەتىڭ ايتۋىنشا، يراننان سانكتسيالار الىنعان سوڭ، بۇل ەلمەن ىنتىماقتاستىق ورناتامىز دەگەن مۇددەلى تاراپتار كوبەيگەن. بۇل رەتتە، قازاقستان ترانزيتتىك نۇكتەگە اينالا الادى.

«يرانعا تەك بەيجىڭ قالاسىنان تىكەلەي رەيس ۇشاتىندىقتان، قىتايدىڭ باسقا قالالارى يرانعا قازاقستان ارقىلى ۇشا الادى. ءبىز ءۇرىمجى مەن شيانعا رەيس ۇشىرىپ وتىرمىز. سونداي-اق، رەسەيدىڭ شىعىسىنداعى ەلدەردەن ترازين تاسىمالدانۋى مۇمكىن»، - دەپ ءتۇسىندىردى ول.

ت. لاستايەۆ حابارلاعانداي، بيىل استانا، الماتى، اقتاۋ قالالارىنان سوچيعا تىكەلەي رەيستەر اشىلادى. «سونداي-اق، 2017-جىلى استانادان توكيعا تىكەلەي رەيس ۇشىرۋ ءۇشىن كەلىسسوزدەر جۇرگىزىپ جاتىرمىز»، - دەدى ت. لاستايەۆ.

اۆتور: كەنجەكەي توقتامۇرات قىزى