تەرروريزم قاتەرى حالىقارالىق قاۋىپسىزدىك تۋرالى تۇسىنىگىمىزدى تۇبەگەيلى وزگەرتتى - ەلباسى
ەلباسى اتالمىش كونفەرەنسياعا ايرىقشا ماڭىز بەرە وتىرىپ، فورۋم قاتىسۋشىلارىنا ءوزىنىڭ ۇندەۋىن جولداعان بولاتىن. مەملەكەت باسشىسىنىڭ ۇندەۋىن ق ر پارلامەنتى سەناتىنىڭ ءتوراعاسى قاسىم- جومارت توقايەۆ وقىپ بەردى.
ەلباسى ەڭ الدىمەن كونفەرەنسياعا قاتىسۋشىلارعا شىن جۇرەكتەن سالەم جولدايتىنىن جەتكىزەدى. «بۇگىندە تەرروريزم قاتەرى حالىقارالىق قاۋىپسىزدىك تۋرالى تۇسىنىگىمىزدى تۇبەگەيلى وزگەرتتى. تەرروريزم شەكارا تالعامايدى، باي جانە كەدەي ەل دەپ بولمەيدى. وسىناۋ قاۋىپكە تويتارىس بەرەتىن بىرەگەي ءارى جالپىعا ورتاق شەشىم ءالى دە جوق. سوندىقتان دا، بۇل جاھاندىق ىندەتكە لايىقتى قارسى تۇرۋدا بىرلەسكەن كۇش- جىگەرىمىزدى ەسەلەي ءتۇسۋىمىز كەرەك»، دەلىنگەن پرەزيدەنت ۇندەۋىندە.
بۇدان بولەك، ەلباسى تەرروريزم قاتەرىن جويۋ ءۇشىن ءبىر كىسىدەي جۇمىلۋ، ساياسي قايراتكەرلەر مەن ءدىن جەتەكشىلەرىنىڭ، قوعامدىق پىكىر كوشباسشىلارى مەن ب ا ق- تىڭ اعارتۋشىلىق باعىتىنداعى كەڭ اۋقىمدى جۇمىسىن جۇرگىزۋ اسا ماڭىزدى ەكەنىن اتاپ وتەدى.
«مەن ب ۇ ۇ باس اسسامبلەياسىنىڭ وتىرىسىندا تەرروريزم مەن ەكسترەميزمگە قارسى تۇرا الاتىن ءبىرىڭعاي الەمدىك جۇيەنى قۇرۋدى، وسى سالاداعى حالىقارالىق قۇقىقتىق بازانى جەتىلدىرۋدى ۇسىندىم. «الەم. 21- عاسىر» اتتى مانيفەسىمدە بارشا ادامزاتتى جاھاندىق قاۋىپسىزدىك پەن تۇراقتىلىقتى ساقتاۋعا شاقىردىم. بۇل رەتتە ءتۇرلى كونفەسسيالار، ءدىن مەن مادەنيەتتەر، وركەنيەتتەر وكىلدەرى اراسىنداعى ءوزارا تۇسىنىستىكتىڭ ماڭىزى ايرىقشا.
«دىندەر تەرروريزمگە قارسى» اتتى حالىقارالىق كونفەرەنسيا الەمدىك جانە ءداستۇرلى دىندەر ليدەرلەرىنىڭ سەزى اياسىندا ءساتتى ءوتىپ جۇرگەن ساياسي ءدىني قايراتكەرلەردىڭ بىرەگەي فورماتىن دامىتۋعا ايرىقشا سەرپىن بەرەدى. بۇل فورۋمنىڭ استانادا ءوتۋىنىڭ وزىندىك ءمانى بار. جۇزدەن استام ەتنوس وكىلدەرى تۇراتىن قازاقستان حالقى ءار الۋاندىق ارقىلى بىرلىك قاعيداتىن ۇستانادى. بۇل ءبىزدىڭ حالقىمىزعا سان ءتۇرلى قيىندىقتاردى ەڭسەرۋ، الەۋمەتتىك ەكونوميكالىق دامۋ جولىندا زور جەتىستىكتەرگە جەتۋ ءۇشىن كۇش- قۋات بەرەدى. بۇگىنگى باسقوسۋ مادەنيەتتەر مەن دىندەر سۇحباتى تاجىريبەسىن بايىتا تۇسەتىنىنە جانە سىزدەردىڭ تاراپتارىڭىزدان تەرروريزمگە قارسى ءىس- قيمىل بارىسىنداعى ءدىننىڭ ءرولىن ارتتىرۋعا تىڭ يدەيالار ۇسىنىلاتىنىنا سەنىمدىمىن»، دەلىنگەن ەلباسى ۇندەۋىندە.
سونىمەن قاتار، پرەزيدەنت فورۋمعا قاتىسۋشىلارعا جەمىستى جۇمىس تىلەدى.
اۆتور: قانات مامەتقازى ۇلى
