كەزىندە اتاعى جەر جارعان، بۇگىندە يەسىز قالعان ەلەستەر قالاسى - فوتو
ءبىراق، بۇل جەردە 100 جىل بۇرىن تىرشىلىگى قايناعان قالا بولعان دەسە ەشكىم سەنبەس ەدى.
بۇل تۋرالى مويا پلانەتا حابارلايدى.
كولمانسكوپتىڭ باسىنان داۋرەن كوشەتىن ءسات 1908 -جىلدان باستالدى. ول كەزدە زاكارياس ليەۆال ەسىمدى جۇمىسشى جەردەن نەشە ءتۇرلى ۋاق تاستاردى جيناپ الىپ، ونى تەمىر جول باسشىسىنىڭ قولىنا ۇستاتادى. زاكارياس سول كەزدە وسى ارەكەتى الماز دۇرلىكپەسىنىڭ باستاۋى ەكەنىن ۇعىنا قويعان جوق.
بۇل ولكەدە المازدىڭ بار ەكەنى وزگە جۇرتقا كەڭ تارالدى. تەز ارادا جازىق دالاعا المازتاسىمالداۋشى ءىرى ورتالىقتار كەلدى. 1914 -جىلى بۇل اۋماقتان 1000 كەلىگە تاتيتىن 5 ميلليون كارات اكەتىلدى.
جەڭىل تابىس كوزىنە ۇمىتتەنگەن ادامدار كولمونسكوپقا الەمنىڭ ءار تۇكپىرىنەن كەلىپ جاتتى. بۇل جەردە كوپتەگەن نەمىس ستيلىندەگى ۇيلەر تۇرعىزىلىپ، ينفراقۇرىلىم دامىدى. ءتىپتى قالاداعى افريكادا جوق رەنگتگەن اپپاراتى دا ورناتىلدى. بۇل مەديتسينالىق ماقساتتا ەمەس، جۇمىسشىلاردىڭ ۇرلىعىن اشكەرەلەۋ ءۇشىن اكەلىپ قويىلدى. بارلىق سوڭعى ۇلگىدەگى كەرەك- جاراقتار اكەلىنىپ، "الماز جۇماعىن" ەنشىلەۋ باستالىپ كەتتى.
الايدا تاۋسىلمايتىنداي كورىنگەن قوردىڭ دا ءتۇبى كورىنىپ، سونىمەن بىرگە ول ولكەدەگى تىرشىلىك تە ءوز مارەسىنە جەتەدى. بۇل 1954 -جىل بولاتىن. وسى جىلى قالادان بارلىق ادامدار كەتىپ قالعان.
قازىر كولمونسكوپ - اسپان استىنداعى مۋزەي ىسپەتتى. وندا الەمنىڭ تۇكپىر- تۇكپىرىنەن فوتوگرافتار مەن تۋريستەر بارىپ تۇرادى. كەيبىر ۇيلەردە سول ءداۋىردىڭ بەزەندىرۋلەرى ءالى ساقتالعان.
دەرەككوز: Stan.kz
