پولشادا «التىن پويىزدى» ىزدەۋ ماۋسىم ايىندا باستالادى

استانا. قازاقپارات - پولشادا قازىنا تاسىمالداپ، ەكىنشى دۇنيەجۇزىلىك سوعىس كەزىندە ءىز- ءتۇسسىز جوعالعان «التىن پويىزدى» ىزدەۋ جۇمىستارى ماۋسىم ايىندا باستالۋى مۇمكىن.

بۇل تۋرالى Polska Times گازەتى جازدى.

باسىلىمنىڭ جازۋىنا قاراعاندا، قازىنا ىزدەيتىندەردە قازبا جۇمىستارىن باستاۋعا كونە ەسكەرتكىشتەردى قورعاۋمەن اينالىساتىن ۇيىمنىڭ عانا رۇقساتى الىنباعان. قۇجاتتى العان كەزدە، «التىن پويىزدىڭ» قالعان جەر - ۆروتسلاۆ - ۆالبجيح تەمىر جولىنىڭ 65- شاقىرىمىندا ىزدەۋ جۇمىستارى باستالادى.

پولياك ب ا ق- تارى «التىن پويىز» دەپ باعالى مەتالدار، التىن، قارۋ-جاراق، سونداي-اق مۇراعاتتار مەن ونەر تۋىندىلارىن تاسىمالداعان ۇزىندىعى 150 مەترلىك گيتلەرلىك ساۋتتى پويىزدى اتايدى.

برەسلاۋ قورعانىنان (قازىرگى ۆروتسلاۆ) ۆالبجيحقا شىققان قۇرام ءىز-ءتۇسسىز جوعالىپ كەتكەن. تاريحشىلار مەن ىزدەۋشىلەر پويىزدىڭ فاشيستەردىڭ تومەنگى سيلەزيا تاۋلارىندا بومبالاۋدان قورعانۋ ءۇشىن قازعان تۋننەلدەردە جاسىرىپ قويعان دەپ بولجايدى.