21:55, 30 - مامىر 2016 | GMT +6
مەكسيكادا ۇرلاپ اكەتكەن فۋتبولشى الان پۋليدو بوساتىلدى
استانا. قازاقپارات - جەكسەنبى كۇنى مەكسيكانىڭ سولتۇستىك-شىعىسىندا ۇرلانعان گرەكيانىڭ «وليمپياكوس» كلۋبى مەن مەكسيكا قۇراماسىنىڭ شابۋىلشىسى، مەكسيكالىق فۋتبولشى الان پۋليدو بوساتىلدى، دەپ حابارلايدى مەكسيكا ەلىنىڭ بيلىگى.
بۇل تۋرالى BBC حابارلادى.
ەسكە سالا كەتەيىك، 25 جاستاعى سپورتشى تاماۋليپاس شتاتىنىنداعى تۋعان قالاسى سيۋداد-ۆيكتوريانىڭ ماڭىندا ۇرلانعان. ول سول كەزدە بويجەتكەنىمەن بىرگە توي-تومالاقتان شىققان ەدى.
جەرگىلىكتى ب ا ق جەكسەنبى كۇنى بەتتەرىن بۇركەگەن بىرنەشە ەر ادام پۋليدونى كولىگىنەن شىعارىپ الىپ كەتكەنىن، قاسىنداعى بويجەتكەنگە تيىسپەگەنىن جازعان.
پوليتسيا فۋتبولشىنىڭ زارداپ شەكپەگەنىن مالىمدەدى.
