18:16, 30 - مامىر 2016 | GMT +5
بريتاندىق بوكسشى گولوۆكيندى قالاي جەڭۋدى بىلەتىنىن ايتتى
استانا. قازاقپارات - بريتاندىق بوكسشى كىشى كريس يۋبەنك سۇحباتتارىنىڭ بىرىندە قازاقستاندىق گەننادي گولوۆكيندى قالاي جەڭۋدى بىلەتىنىن مالىمدەدى.
بۇل تۋرالى Sports.kz حابارلادى.
«ونىڭ ءستيلىن باقىلادىم، ونىڭ ويىنىندا كەمشىن تۇستارى جەتەرلىك - ول باياۋ، قورعانبايدى. ونى جەڭۋ قيىن ەمەس. جۇدىرىعىنىڭ قۋاتى كۇشتى بولعانىمەن، مەنى جەڭۋگە شاماسى جەتپەيدى. ول ماعان سوققى دارىتسا، مەن «ءارى قاراي نە ىستەيسىڭ؟» دەپ سۇرايمىن. ونىمەن ايقاسقان جىگىتتەر ءبىر سوققىدان كەيىن بەرىلىپ قويادى. ويتكەنى ولار تاياق جەگىسى كەلمەيدى. ولار رينگكە شىققان ساتتە جەڭىلىپ شىعادى. ال مەن قورىقپايمىن. گولوۆكين كومانداسىمەن كەلىسسوز جۇرگىزىپ جاتىرمىز. جىل سوڭىندا كەزدەسۋ ۇيىمداستىرۋىمىز مۇمكىن»، - دەدى ول.
