اتاقتى ازەربايجاندىق ۆەلوجيھانگەزدى قازاقستاندا قاسقىر جەپ قويا جازداعان
بۇل تۋرالى ول ۋكراينالىق جاڭالىقتار پورتالىنا بەرگەن سۇحباتىندا اڭگىمەلەگەن.
ايتا كەتەرلىگى، راميل زيادوۆ بۇكىل ەۋرازيانى ۆەلوسيپەدپەن شارلاپ شىققان جيھانگەز. وسى ساپارىندا ول ءۇش رەت ءولىم اۋزىنان قالىپتى. 38 جاستاعى راميل «دالا سامالى» اتالاتىن ۆەلوسيپەدىمەن ءۇش جىل بويى ەۋروپا مەن ازيانى ارالاپ شىققان. وزبەكستان، قازاقستان، نوۆوسىبىر مەن تولياتتيدى باسىپ ءوتىپ، سوسىن مۋرمانسكىدەگى پوليار شەڭبەرىنە دەيىن جەتكەن.
وسىنداي الەمدىك ساپارلارىندا ۆەلوجيھانگەز ءۇش رەت ءولىم اۋزىنان قالعانىن اڭگىمەلەيدى. ءبىرىنشىسى اعىپ جاتقان لاس وزەننىڭ سۋىنان ءىشىپ، ىشەك تاياقشاسىن جۇقتىرعان ەكەن. سونىڭ سالدارىنان ءۇش كۇن بويى ورماندا اداسىپ، شىعا الماي جۇرگەن. ەكىنشى جاعداي - ءالپى شىڭدارىن باعىندىرۋ بارىسىندا قار كوشكىنىنە تاپ بولعان. تاۋ شىڭىندا قامالعان ول، اقىرىندا جول تاۋىپ ماقساتىنا قول جەتكىزگەن. ال قازاقستانداعى جازىق دالالاردىڭ بىرىندە ول ءبىر توپ قاسقىردان ارەڭ قاشىپ قۇتىلعان ەكەن. «ءتىپتى سول قاسقىرلاردىڭ بىرىمەن جەكپە- جەكتەگى سەكىلدى كوزبەن اتىسۋعا دا تۋرا كەلدى»، دەپ اڭگىمەلەيدى رامميل.
ەسكە سالايىق، راميل زيادوۆ 2013 -جىلى الەمنىڭ بەس مەملەكەتى بويىنشا ۆەلوتۋر جاسادى، التى اي ىشىندە ول ازەربايجان جالاۋىن جەلبىرەتىپ رەسەيدى، قازاقستان، وزبەكستان، قىرعىزستان مەن قىتايدى ۆەلوسيپەدپەن ارالاپ شىقتى. ال 2015 -جىلى راميل «ازەربايجان داڭقى ءۇشىن» اتتى الەمدىك تۋرنەنى جۇزەگە اسىردى.
