امەريكادا باسقا پاتەرگە كىرىپ كەتكەن باسكەتبولشىنى اتىپ تاستادى

استانا. قازاقپارات - ا ق ش- تىڭ نيۋ- ورلەان قالاسىنداعى «پەليكانس» باسكەتبول كلۋبىنىڭ قورعاۋشىسى برايس ديجان- دجونسدى اتىپ كەتتى.

ول باراتىن پاتەردىڭ ەسىگىن شاتاستىرعان، ال ۇيدەگىلەر ونى ۇرى دەپ ويلاپ قالعان، دەپ حابارلاندى ۇلتتىق باسكەتبول ليگاسىنىڭ (NBA) رەسمي سايتىندا.

پوليتسيانىڭ مالىمدەۋىنشە، ديجان- دجونس ەسىكتى اياعىمەن سىندىرىپ، پاتەرگە كىرگەن. ءۇي يەسىنىڭ ەسكەرتۋىن باسكەتبولشى ەلەمەگەندىكتەن، ەر ادام قارۋ قولدانعان.

23 جاستاعى سپورتشى اۋرۋحاناعا جەتكىزىلدى. الايدا ونى دارىگەرلەر قۇتقارا المادى.

ديجان- دجونستىڭ تانىسىنىڭ ايتۋىنشا، باسكەتبولشى سەنبى كۇنى داللاسقا 1 جاسقا تولعان قىزىنىڭ تۋعان كۇنىنە بارعان. قىزدىڭ اناسى جۋىردا كوشىپ كەتكەن، ال جاڭا پاتەردى اكەسى بارىپ كورمەگەندىكتەن ول ءۇيدىڭ قاباتتارىن شاتاستىرىپ العان.

ەسكە سالا كەتسەك، وقىس وقيعا بولعان، تەحاس شتاتىنىڭ زاڭىنا سايكەس تۇرعىندارعا ءوزىن جانە پاتەرىن قورعاۋ ءۇشىن ۇيگە باسىپ كىرگەندەرگە قارۋ قولدانۋعا رۇقسات بەرىلگەن.