اسكەري كۋرسانتتار ۇشۋ پراكتيكاسىنا كىرىستى - فوتو
جاتتىقتىرۋ سەكىرۋلەرى 600 مەتر بيىكتىكتەن Д1-5У پاراشيۋتىندە ورىندالدى. پراكتيكالىق ساباقتار اياقتالعاننان كەيىن كۋرسانتتاردى ەكى توپقا ءبولىپ، ولارعا ۇشقىش نۇسقاۋشىلاردى بەكىتىپ بەردى. ءارى قارايعى ساباقتار سولاردىڭ جەتەكشىلىك ەتۋىمەن وتكىزىلەتىن بولادى. كۋرسانتتاردىڭ ۇشۋ دايارلىعى اعىمداعى جىلدىڭ قىركۇيەگىنە دەيىن جالعاسادى. پراكتيكا كەزىندە ءاربىر كۋرسانت مي-8 تىكۇشاعىندا 20 ساعاتتان ۇشىپ ءوتۋى ءتيىس. وسىنى اياقتاعاننان كەيىن ولار مەملەكەتتىك ەمتيحان تاپسىرۋى ءتيىس. سودان كەيىن عانا ولارعا «لەيتەنانت» اسكەري اتاعى بەرىلەدى.
مۇنداي پراكتيكا بارىسىندا كۋرسانتتاردا اۋە جاۋىنگەرىنىڭ قاسيەتتەرى قالىپتاسادى. سەبەبى، وزدىگىنەن ۇشۋ كەزىندە عانا اۆياتسيا مەن وتانعا قىزمەت ەتۋگە ءوزىن سارپ ەتۋگە ءازىر ۇشقىش ومىرگە كەلەدى. اۋە قورعانىسى كۇشتەرىنىڭ اسكەري ينستيتۋتى قازاقستان ا ا ك ءۇشىن كادرلاردىڭ نەگىزگى ۇستاحاناسى بولىپ تابىلاتىنىن ايتا كەتكەن ءجون. جوعارى وقۋ ورنىندا مايدان-شەپتىك، ارميالىق جانە اسكەري-كولىك اۆياتسياسى ءۇشىن شابۋىلداۋشى ۇشقىشتاردى، سونداي-اق بارلىق قاجەتتى سالاداعى ينجەنەرلەردى دايىندايدى.
