22:19, 27 - مامىر 2016 | GMT +6
قوستانايدا قوبىلاندى باتىرعا ەسكەرتكىش اشىلدى
قوستاناي. قازاقپارات - بۇگىن قوستانايدا گەرتسەن مەن كيەۆسكي كوشەلەرىنىڭ قيىلىسىندا سالتاناتتى تۇردە قوبىلاندى باتىر مونۋمەنتى اشىلدى.
ەسكەرتكىشتى قوستانايعا اتى اڭىزعا اينالعان باتىردىڭ ۇرپاقتارى سىيلادى. ونى ق ر سۋرەتشىلەر وداعىنىڭ مۇشەلەرى احمەتوۆتار جاسادى.
بىلتىر قوستانايعا جەتكىزىلگەن مونۋمەنتكە 2014 -جىلى ورىن تابىلعان. قازىر پوستامەنت گرانيتپەن ارلەنىپ، وندا ەستەلىك جازبا پايدا بولدى.
قوستاناي اكىمى بازىل جاقىپوۆتىڭ ايتۋىنشا، وبلىس ورتالىعىنىڭ كورىكتى ورىندارىنىڭ بىرىنە اينالعان ەسكەرتكىشتىڭ اشىلۋى - ەرەكشە ماڭىزدى وقيعا. «تاريحي تۇلعالاردىڭ بەينەسى ارقىلى وسكەلەڭ ۇرپاقتى تاربيەلەيمىز، ولار قازاق جەرى قانداي باتىرلاردى تاربيەلەگەنىن ءبىلۋى ءتيىس».
راسىمگە اكادەميك ساعىندىق ساتىبالدين قاتىستى. «ميراس» فولكلورلىق ءانسامبلى ونەر كورسەتتى.
