21:53, 27 - مامىر 2016 | GMT +5
بىرىككەن اراب امىرلىكتەرى قازاقستاننىڭ اۋىل شارۋاشىلىعىنا ەرەكشە نازار اۋدارىپ وتىر - ەلشى
استانا. قازاقپارات - بىرىككەن اراب امىرلىكتەرىنىڭ ينۆەستورلارى قازاقستاننىڭ اگرو ونەركاسىپتىك كەشەنىنە ەرەكشە نازار اۋدارىپ وتىر.
بۇل تۋرالى ق ر سىرتقى ىستەر مينيسترلىگىندە جۋرناليستەرگە بريفينگ وتكىزگەن قازاقستاننىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى قايرات لاما- شاريف ءمالىم ەتتى.
«قازىرگى ۋاقىتتا بىرىككەن اراب امىرلىكتەرىنىڭ ينۆەستورلارى مەن وسى سالاداعى ارىپتەستەر قازاقستاننىڭ اگروونەركاسىپتىك كەشەنىنە ەرەكشە نازار اۋدارۋدا. ولاردىڭ پىكىرىنشە، اتالعان سالا ءوزارا ءتيىمدى، ەكى جاقتى ىنتىماقتاستىقتىڭ باسقا باعىتتارىن العا جىلجىتاتىن جەتەكشى كۇش بولۋى كەرەك»، - دەگەن ق. لاما- شاريف وسى سالاداعى ەلشىلىك جەتى بيزنەس- فورۋم وتكىزگەنىن جەتكىزدى.
«وسى باعىتتى ىلگەرىلەتۋ ءۇشىن ەلشىلىك سوڭعى ەكى جىلدا قازاقستاننىڭ اۋىل شارۋاشىلىق وندىرۋشىلەرىنىڭ قاتىسۋىمەن جەتى بيزنەس فورۋم جانە دۋبايدا ءبىر روۋلت- شوۋ ۇيىمداستىردى»، - دەدى ق. لاما- شاريف.
