استاناعا بىرىككەن اراب امىرلىكتەرىنىڭ عارىش اگەنتتىگىنىڭ ءتوراعاسى كەلەدى
بۇل تۋرالى بۇگىن ق ر سىرتقى ىستەر مينيسترلىگىندە جۋرناليستەرگە بريفينگ وتكىزگەن قازاقستاننىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى قايرات لاما- شاريف ءمالىم ەتتى.
«عارىشتى بەيبىت ماقساتتا بىرلەسىپ زەرتتەۋ ءۇشىن ءوزارا ءتيىمدى ارىپتەستىكتى دامىتۋدىڭ جاقسى كەلەشەگى بار. بۇگىندە قازاقستان عارىش تەحنولوگيالارى بار وتىز مەملەكەتتىڭ قاتارىندا. بىرىككەن اراب امىرلىكتەرى عارىش سالاسىن ىلگەرى دامىتۋ ءۇشىن جانە 2021 - جىلى مارسقا عارىش زوندىن ۇشىرۋ ءۇشىن عارىش اگەنتتىگىن قۇرعانى بارىمىزگە ءمالىم. ق ر ينۆەستيتسيا جانە دامۋ مينيسترلىگىنىڭ ايروعارىش كوميتەتى مەن ب ا ءا عارىش اگەنتتىگى اراسىنداعى ىنتىماقتاستىقتىق دامۋىنداعى وڭ قارقىندى اتاپ ايقىم كەلەدى»، - دەي كەلە ەلشى 30-31 - مامىر كۇنى استاناعا ب ا ءا عارىش اگەنتتىگىنىڭ ءتوراعاسى كەلەدى دەپ حابارلادى.
«وسى جىلدىڭ 30-31 - مامىرىندا ب ا ءا عارىش اگەنتتىگىنىڭ ءتوراعاسى دوكتور حاليفا جۇمىس ساپارىمەن استاناعا كەلەدى. ەكى عارىش ۆەدومستۆوسى اراسىندا مەموراندۋمدارعا قول قويىلادى دەپ جوسپارلاپ وتىرمىز. جانە اتالعان قۇجات عارىش سالاسىنداعى ءوزارا ءتيىمدى ىنتىماقتاستىقتى ءارى قاراي كۇشەيتەتىن قۇقىقتىق نەگىز بولادى»، - دەدى ق. لاما- شاريف.
اۆتور: كەنجەكەي توقتامۇرات قىزى
