ەۋروپالىق قايتا قۇرۋ جانە دامۋ بانكى قازاقستاندا قارجىلاندىرۋىنىڭ جارتىسىن تەڭگەمەن جۇرگىزەدى

استانا. قازاقپارات - ەۋروپالىق قايتا قۇرۋ جانە دامۋ بانكى «استانا» حالىقارالىق قارجى ورتالىعىنا قولداۋ كورسەتۋگە مۇددەلى.

بۇگىن ەلورداداعى تاۋەلسىزدىك سارايىندا ەلباسى نۇرسۇلتان نازاربايەۆتىڭ توراعالىعىمەن ءوتىپ جاتقان ق ر پرەزيدەنتى جانىنداعى شەتەل ينۆەستورلارى كەڭەسىنىڭ 29- جالپى وتىرىسىندا اتالعان بانكتىڭ پرەزيدەنتى سۋما چاكرابارتي ءمالىم ەتتى.

ونىڭ اتاپ وتىنشە، وتكەن جىلى قازاقستاننىڭ اۋىل شارۋاشىلىعى مەن ازىق- تۇلىك ونىمدەرىن شىعارۋعا 120 ميلليون ەۋرودان استام ينۆەستيتسيا قۇيىلعان. بۇعان قوسا، بۇل ە ق د ب- نىڭ ەلىمىزدەگى قولداۋ كورسەتىپ وتىرعان جوبالارىنىڭ ءبىر سالاسى عانا. جالپى، بانك ەلىمىزدىڭ ەكونوميكاسىنا 700 ميلليون ەۋرودان استام قارجى سالىپ وتىر.

«قازىرگى ۋاقىتتا قازاقستان ءبىز جۇمىس ىستەيتىن 36 نارىقتىڭ ىشىندەگى 4- ءىرى نارىعىمىز بولىپ وتىر. ارينە، پرەزيدەنت نۇرسۇلتان نازاربايەۆ باستاعان رەفورمالار بۇل ينۆەستيتسيالاردى ىلگەرى جىلجىتۋدا»، - دەدى ول.

سونىمەن قاتار ول بانكتىڭ «استانا» حالىقارالىق قارجى ورتالىعىنا قولداۋ كورسەتۋگە مۇۇدەلىلىك تانىتىپ وتىرعانىن باسا ايتىپ، بۇل ورتالىقتىڭ وتاندىق قارجى سەكتورلارىن رەفورمالاۋ مەن دامىتۋ ءۇشىن زاكىر رەتىندە قىزمەت ەتۋى ءتيىستىن اتاپ ءوتتى. «دۋباي سىندى ءبىرقاتار قارجى ورتالىعى ىشكى وتاندىق قارجى سەكتورىنان قىزمەتىن وقشاۋلاۋ تۋرالى شەشىم قابىلدادى. دەگەنمەن، ءبىز احقو مەن وتاندىق نارىق بىرگە ءوسۋى ءتيىس دەپ سانايمىز جانە سىزدەرمەن بۇل باعىتتا بىرگە جۇمىس ىستەيتىن بولامىز»، - دەدى س. چاكرابارتي.

بانك باسشىسى ءوز سوزىندە بانك قازاقستاندا قارجىلاندىرۋىنىڭ جارتىسىن ۇلتتىق ۆاليۋتادا جۇرگىزەتىندىگىن اتاپ ءوتتى. سونىمەن بىرگە ە ق د ب كومانداسى مۇمكىندىك تۋىنداعان ساتتە ەكسپو قالاشىعىنا كوشەتىندىگىن مالىمدەدى.

اۆتور: مارلان جيەمباي