ق ر پرەزيدەنتى جانىنداعى شەتەل ينۆەستورلارى كەڭەسى وتۋدە
كەڭەس وتىرىسىن مەملەكەت باسشىسى نۇرسۇلتان نازاربايەۆ اشتى. جالپى، بۇگىنگى القالى جيىندا ونعا جۋىق سپيكەردىڭ ءسوز سويلەۋى كۇتىلۋدە. ولاردىڭ قاتارىندا ەۋروپالىق قايتا قۇرۋ جانە دامۋ بانكىنىڭ پرەزيدەنتى سۋما چاكرابارتي، ق ر ينۆەستيتسيالار جانە دامۋ ءمينيسترى اسەت يسەكەشەۆ، «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ، «JP Morgan Chase International» ديرەكتورلار كەڭەسىنىڭ ءتوراعاسى دجەيكوب فرەنكەل، «ERG Sarl» ديرەكتورلار كەڭەسىنىڭ ءتوراعاسى الەكساندر ماشكيەۆيچ جانە باسقالارى بار.
ايتا كەتەيىك، شەتەل ينۆەستورلارى كەڭەسى قازاقستان پرەزيدەنتىنىڭ توراعالىعىمەن جۇزەگە اسىرىلاتىن كەڭەسشى- كونسۋلتاتيۆتى ورگان بولىپ سانالادى. كەڭەس 1998 -جىلى ەلدەگى ينۆەستيتسيالىق قىزمەت پەن ينۆەستيتسيالىق احۋالدى جاقسارتۋمەن تىكەلەي بايلانىستى وزەكتى ماسەلەلەردى ءتيىمدى شەشۋ ءۇشىن مەملەكەت پەن شەتەلدىك ينۆەستورلار اراسىنداعى تىكەلەي ءۇنقاتىسۋدى قامتاماسىز ەتۋ ماقساتىندا قۇرىلعان. ەلدىڭ ينۆەستيتسيالىق ساياساتى مەن ەكونوميكالىق دامۋىنىڭ باستى اسپەكتىلەرى بويىنشا قازاقستان پرەزيدەنتى مەن ۇكىمەتىنىڭ قاراۋىنا ۇسىنىمدار مەن ۇسىنىستاردى ازىرلەۋ كەڭەستىڭ باستى مىندەتى سانالادى.
اۆتور: مارلان جيەمباي
