جىگىتتەر قالاي اقتالادى؟
وسى قاسيەتتەرمەن ايەلدەرگە تابيعات تۋرالى ەسكەرتكىسى كەلەدى.
سەبەبى، ولار وزدەرىن ارىستان سەزىنەدى، ارلانعا تەڭەگەندى ۇناتادى. ءتىپتى بىرەۋلەرى وزدەرىن جالعىزدىقتى ءارى ۇيقىنى قالايتىن ايۋعا بالايدى. قىسقاسى، ىرىلىكتى جاقسى كورەدى. ال ىرىلىكتى ۇناتپايتىن ايەل زاتى بار ما ەكەن؟
جاراتىلىسىمىز سونداي!
نەگىزىندە تابيعات ءارتۇرلى. مىسالى، قاسقىر، ارىستان سەكىلدى ايبارلى اڭدار ەرلەردىڭ ءتۇرىن اشادى. ال ءپىل شە؟ ءپىلدىڭ ايۋدان قانداي ايىرماشىلىعى بار؟ ايۋ دا ءداۋ، ءپىل دە ءداۋ، ەكەۋىنىڭ دە قاق-سوقپەن قاتىسى جوق. ءبىراق، پىلدەردىڭ ورتاسى - ماتريارحات. مۇنداي قارىم-قاتىناس ەر ەرلەرگە ۇناماسى انىق.
بارىنە كىنالى - ىشىمدىك
ىشىمدىك - دۇشپان، ال قاۋقارسىز جىگىتىمىز - قۇربان. ارام پيعىلدى ادامدار ونى دۇشپاننىڭ الدىنا اكەلىپ وتىرعىزىپ قويىپ، قيناپ دۇشپانعا مويىنسۇنۋدى بۇيىرعان. وسى ساتتە جوعارىداعى وي ەسكە ورالادى. ەشكىمگە باعىنعىسى كەلمەيتىن ارلان دۇشپاننىڭ الدىندا قۇم بولۋى مۇمكىن بە؟ ەگەر «ءيا» دەگەن جاۋاپ بولسا، كىنالى - دۇشپان - ىشىمدىك. ماس كۇيىندە كولىگىن سوعىپ السا، كىنالى دە - ىشىمدىك.
ءبىز دە، ەرلەر دە، وسىلاي بولۋى كەرەك
جاقسى سىلتاۋ سەكىلدى. «سەن نازىك جاندىسىڭ، سوندىقتان مۇنى تۇسىنە المايسىڭ!» دەگەن سوزبەن ءوز ءىسىن اقتاپ الادى. «ونى جىگىتتەر عانا تۇسىنەدى» دەگەن ءسوز بارلىق ءىستىڭ جاۋابى سەكىلدى كورىنەدى. اسىرەسە، جاستار وسى ءسوزدى كوپ ۇستانادى. ءيا، بويجەتكەن مەن بوزبالانىڭ وي ورەسى ءبىر ەمەس. ءبىراق، سول ورەنى بويجەتكەننىڭ ساناسىنا جەتكىزۋگە بولا ما؟
بۇل - جىگىتتەردىڭ جۇمىسى ەمەس
«ىدىس جۋۋ، كارتوپ تازالاۋ - جىگىتتىڭ جۇمىس ەمەس». الدىڭعىسى بەلگىسىز، سوڭعىسىن اسكەرگە بارىپ ايتىپ كورىڭىزشى. ومىردە مىناۋ «ەركەكتىڭ تىرلىگى» جانە «ايەلدىڭ تىرلىگى» دەگەن ءىس بولمايدى. مىسالى، ءۇي ورتەنىپ جاتسا، ايەلى «ەركەكتىڭ جۇمىسى» دەپ قاراپ تۇرمايدى. كاسىپتىك تۇرعىدا دارىگەردىڭ كومەكشىسى تەك ايەلدەر عانا بولادى دەگەن ءسوز ەمەس، مەيىرگەر بولۋعا بولادى. بارلىق ءىس ادامزاتقا ورتاق. ۋاقىت وتە ەر - تابىس تابۋشى، قامقورشى، اسىراۋشى، ال ايەل - جاعداي جاساۋشى دەگەن قاعيدا قالىپتاسقان. وسىنى ۇعا ءبىلۋ كەرەك.
massaget.kz
