ءبىر اپتا بۇرىن شىمكەنتتەن قاشىپ كەتكەن سوتتالۋشى قىزىلوردادا ۇستالدى

استانا. قازاقپارات - قىزىلوردا قالاسىنىڭ ورتالىعىندا مەرزىمىن وتەۋدەن جالتارعان سوتتالۋشى ۇستالدى، دەپ حابارلادى وڭتۇستىك قازاقستان وبلىسى بويىنشا قىلمىستىق-اتقارۋ جۇيەسى (ق ا ج) دەپارتامەنتىنەن.

«29 جاستاعى سوتتالۋشى (اۋىر قىلمىستى جاساعانى ءۇشىن 3 جىلعا سوتتالدى) ي چ-167/10 قونىس كولونياسىندا جازاسىن وتەۋدەن جالتاردى. اعىمداعى جىلدىڭ 20 -مامىرىندا ول جۇمىس نىسانىن تاستاپ، بەلگىسىز باعىتتا كەتىپ قالعان»، - دەپ اتاپ ءوتتى اڭگىمەلەسۋ بارىسىندا وڭتۇستىك قازاقستان وبلىسى بويىنشا ق ا ج دەپارتامەنتىنىڭ باستىعى باقىتجان قۋاندىقوۆ.

«ق ا ج دەپارتامەنتى قىزمەتكەرلەرى قاشقىننىڭ ىزىمەن ءجۇردى دەپ ايتۋعا بولادى. اقىرى، ساۋاتتى جۇرگىزىلگەن ىزدەۋ شارالارى سوتتالۋشىنىڭ رەسپۋبليكا ايماقتارىندا بەلسەندى جىلجىعانىنا قاراماستان ناتيجەلى اياقتالدى. ەندى جىلجىپ ءجۇرۋ قۇقىعىن پايدالانۋ رۇقسات ەتىلگەن سوتتالۋشى تۇزەۋ مەكەمەسىنە قايتىپ ورالماعانى ءۇشىن باس بوستاندىعىنان ايىرىلۋى مۇمكىن»، - دەپ قوستى ب. قۋاندىقوۆ.