دەنساۋلىق: حولەستەريندى تومەندەتۋدىڭ جولدارى

استانا. قازاقپارات - حولەستەرين اعزانىڭ ءبىرقالىپتى جۇمىس ىستەۋىنە پايداسىن تيگىزەتىن قۇرامداس بولىك بولعانىمەن، ونى ارتىق پايدالانۋ ارتەريالىق تامىرلاردىڭ ىشىنە مايلى زاتتاردىڭ جينالىپ، جۇرەكتىڭ يشەميالىق اۋرۋىنىڭ قاۋىپ-قاتەرىن ارتتىراتىنى بەلگىلى.

قانداعى حولەستەريندى قالاي ازايتۋعا بولادى؟ تومەندە حولەستەريندى ازايتۋدىڭ بىرنەشە جولدارىمەن تانىسا الاسىز.

1. حولەستەريندى ازايتۋدىڭ ەڭ قاراپايىم جانە ەڭ قولجەتىمدى ءتۇرى ديەتا بولىپ تابىلادى. ول ءۇشىن تاماق راتسيونىنداعى ءتاتتى جانە مايلى تاعامداردى الىپ تاستاپ، ۇيىقتاردان الدىن تاماقتانباۋ قاجەت.

2. حولەستەريننىڭ نەگىزگى كوزى جانۋارلار ونىمدەرى بولىپ تابىلادى. سوندىقتان ولاردى تۇتىنۋدى ازايتۋ نەمەسە قۇرامىندا حولەستەرينى از ونىمدەردى پايدالانعان ءجون.

3. مايسىز سۇزبە تۇتىنىپ، مايسىز ءسۇت ءىشىڭىز.

4. جۇمىرتقا پايدالانۋدى شەكتەۋ قاجەت. اپتاسىنا 2 جۇمىرتقا تۇتىنۋ جەتكىلىكتى.

5. مايلى ەتتى قويان، بۇزاۋ، تاۋىق ەتىمەن الماستىرۋ قاجەت.

6. راتسيونىڭىزعا مايلى تەڭىز بالىعىن قوسىڭىز (تەڭىز بالىعىنداعى قانىقپاعان ماي قىشقىلدارى قان تامىرلارىن تازارتۋعا جانە ولاردا حولەستەرين تۋىنداۋىنىڭ الدىن الادى).

7. ءدال وسى قاسيەتتەر تەڭىز ونىمدەرىندە دە بار. تەڭىز ورام جاپىراعىن كوپ تۇتىنعانىڭىز پايدالى.

8. بروككولي، قىرىققابات پەن پياز جەۋدى ۇمىتپاڭىز. ولاردىڭ قۇرامىندا حولەستەريندى تومەندەتۋگە قاجەتتى ەلەمەنتتەر بار.

9. حولەستەرينى جوعارى ادامدار ءۇشىن كۇنباعىس، جەرجاڭعاق، سويا جانە ءزايتۇن مايلارى وتە پايدالى. سونداي-اق حولەستەرينگە قارسى زىعىر مايىنىڭدا اسەرى بار.

10. جاقىندا عالىمدار كۇنىنە 70 گرام بادام جەۋ حولەستەريننىڭ دەڭگەيىن تومەندەتۋ مۇمكىندىگىنە يە ەكەنىن دالەلدەدى.

11. جيدەكتەردى كوبىرەك جەڭىز. سەبەبى ولاردىڭ قۇرامىندا ساليتسيل قىشقىلى بولادى، ولار قانداعى حولەستەرين دەڭگەيىن تومەندەتەدى جانە قاننىڭ ۇيۋىنا جول بەرمەيدى. كۇنىنە 3 ءتۇيىر سارىمساق جەسەڭىز قانىڭىزداعى حولەستەرين دەڭگەيى %15 عا دەيىن ازايادى. ول تەك جاڭا پىسكەن سارىمساق بولۋى كەرەك.

12. جامان ادەتتەردەن اۋلىق بولىڭىز. كۇندە تاڭەرتەڭگىلىك جاتتىعۋ جاساۋدى ۇمىتپاڭىز، دەپ جازادى anabol.kz.