نوبەل سىيلىعىنىڭ لاۋرەاتى قازاقستانعا جاس كاسىپكەرلەرگە قولداۋ جاساۋعا كەڭەس بەردى

استانا. قازاقپارات - ەكونوميكا بويىنشا نوبەل سىيلىعىنىڭ لاۋرەاتى كريستوفەر پيسساريدەس ق ر ۇكىمەتىنە جاس كاسىپكەرلەرگە قولداۋ كورسەتۋگە كەڭەس بەردى.

«اتاپ وتىلگەندەي، قازاقستان «Doing Business»  رەيتينگىندە 41- ورىندا. مەنىڭ ويىمشا، بۇل باعىتتا كاسىپكەرلەرگە قوسىمشا مۇمكىندىكتەردى ۇسىنۋ ءۇشىن ءتيىستى قادامداردى جاساۋ كەرەك. بۇگىندە وقۋ ورنىندا ءبىلىم الىپ جاتقان ستۋدەنتتەر جايىندا ويلاۋ كەرەك، سەبەبى ولار جاقىن ارادا كاسىپكەرلەر قاتارىنا قوسىلۋى مۇمكىن. ۇكىمەت جاستار ءۇشىن بيزنەس تۇرلەرىن قۇرۋدا كومەك كورسەتۋگە كوبىرەك نازار اۋدارۋى كەرەك»، - دەدى عالىم استانا ەكونوميكالىق فورۋمى اياسىنداعى «قازاقستاندىق ءوسۋ ستراتەگياسى» سەسسياسى بارىسىندا.

كريستوفەر پيسساريدەستىڭ پايىمىنشا، ەلدە بيزنەستى جۇرگىزۋگە رۇقساتنامالىق قۇجاتتاردى قىسقارتىپ، كاسىپكەرلىكتى جاڭادان باستاعان جاستارعا قولداۋ جاساۋ ماڭىزدى.

«قىزمەتىن جاڭا باستاعان شاعىن كومپانيالار ءۇشىن ۇكىمەت تاراپىنان جاسالاتىن ەڭ جاقسى قولداۋ - ول قانداي دا ءبىر كەدەرگىلەردى جويۋعا بايلانىستى. اتاپ ايتقاندا، اكىمشىلىك مازمۇنداعى مىڭداعان قاعازداردى تولتىرۋعا ءماجبۇر بولعان كەزدە، بۇل ءوز كەزەگىندە كەز كەلگەن ادامدى بۇل سالادان كەرى يتەرەدى»، - دەيدى مەيمان.

اۆتور: رۋسلان عابباسوۆ