17:37, 25 - مامىر 2016 | GMT +5
سولتۇستىك قازاقستاندىق جەڭىل اتلەتتەر ريوداعى وليمپيادا ويىندارىنا تاعى ەكى ليتسەنزيا ۇتىپ الدى
پەتروپاۆل. قازاقپارات - 24-26 -مامىر ارالىعىندا الماتىدا ەرەسەكتەر اراسىندا جەڭىل اتلەتيكا بويىنشا ق ر كۋبوگى مەن چەمپيوناتى ءوتىپ جاتىر. دودادا سولتۇستىك قازاقستاندىق جەڭىل اتلەتتەر ريو- دە- جانەيروداعى وليمپيادا ويىندارىنا تاعى ەكى ليتسەنزيا ۇتىپ الدى.
مۇنداي جەتىستىككە ەكاتەرينا ەكتوۆا (سەكىرۋ) جانە مارگاريتا مۋكاشيەۆا (800 م جۇگىرۋ) قول جەتكىزدى، دەپ حابارلادى س ق و دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن.
«الماتىدا ەكاتەرينا ەكتوۆا 14,16 م (وليمپيادا ليتسەنزياسىن ۇتىپ الۋعا جول بەرەتىن ەڭ تومەنگى كورسەتكىش 14,10 م) ناتيجەسىن كورسەتسە، ال مارگاريتا مۋكاشەۆا 800 مەتردى 2 مينۋت 00,87 سەكۋند ىشىندە جۇگىرىپ ءوتتى. بۇل ريو ويىندارىنا ليتسەنزيا الۋ ءۇشىن جەتكىلىكتى»، - دەلىنگەن حابارلامادا.
ەسكە سالا كەتەيىك، وسىعان دەيىن ءۇش قارعىپ سەكىرۋدەن يرينا ەكتوۆا وليمپيادا ويىندارىنا ليتسەنزيا ۇتىپ الدى.
