قازاقستانداعى ا ق ش ەلشىسى: جاڭاراتىن ەنەرگيا كوزدەرىن دامىتۋ ماسەلەسىندە الەمدەگى ەڭ ءورشىل ساياساتكەر - ن. نازاربايەۆ
بۇل تۋرالى بۇگىن استانا ەكونوميكالىق فورۋمى اياسىنداعى «بولاشاق ەنەرگياسى: جاھاندىق ترەندتەر مەن تەحنولوگيالار» سەسسياسىندا ا ق ش- تىڭ قازاقستانداعى ەلشىسى دجورد كرول ايتتى.
ول ءوز سوزىندە قازىرگى ۋاقىتتا كوپتەگەن ەلدەر عالامشاردىڭ جالپى بولاشاعىن ايقىنداۋ ءۇشىن جاسىل ەكونوميكاعا بەيىمدەلۋ باعىتىندا جۇمىس ىستەپ جاتقاندىعىن اتاپ ءوتتى.
«ءبىرقاتار باسىمدىققا يە ارزان ەنەرگيا كوزدەرى وڭتايلى شەشىم ەمەس ەكەندىگىن تۇسىنۋگە ونداعان جىلدار كەتەدى. ءبىز قازىرگى ۋاقىتتا جاڭاراتىن ەنەرگيا كوزدەرى بارىنشا ماڭىزدى ەكەندىگىن ءتۇسىنىپ كەلەمىز. جاڭا جاڭاراتىن ەنەرگيا كوزدەرىن ىزدەۋدەمىز. بۇكىل الەمدە بۇل باعىتتاعى ەڭ ءورشىل ساياساتكەر - ول پرەزيدەنت نۇرسۇلتان نازاربايەۆ»، - دەدى ەلشى.
سونىمەن قاتار دجورد كرول قازاقستان قازبا ەنەرگيا كوزدەرىنە باي بولعانىنا قاراماستان ن. نازاربايەۆتىڭ ولاردى جاڭاراتىن ەنەرگيا كوزدەرىنە الماستىرۋ ماقساتىن قويىپ وتىرعاندىعىن باسا ايتتى. ونىڭ پايىمىنشا، ءدال وسى جايت قازاقستاننىڭ بۇل باعىتتاعى ورتالىق ازيانىڭ كوشباسشىسى بولۋىنا مۇمكىندىك بەرەدى.
سونىمەن قاتار ەلشى ا ق ش- تاعى جاڭاراتىن ەنەرگيا كوزدەرىن دامىتۋ جايىندا ايتا كەلە ءوز ەلىندە تاياۋ ونجىلدىقتا كومىرتەك كوزدەرىن تۇتىنۋدى پايدالانۋ سوڭعى 20 جىلداعى كورسەتكىشتەردەن جوعارى بولاتىندىعىن اتاپ ءوتتى.
«جەل ەنەرگياسىن ءوندىرۋدى ءۇش ەسە ارتتىرىپ، لاستانۋ دەڭگەيىن تومەندەتۋگە تىرىسامىز. الەمنىڭ باسقا ەلدەرىنە قاراعاندا بۇل ا ق ش- تا قارقىندى جۇرگىزىلۋدە.
پارنيكتى گازدار شىعارىندىسى تۋرالى ايتار بولساق، بىزدە مەكسيكامەن، كانادامەن ورتاق باستاما بار. وعان سايكەس، بۇل ەنەرگيا كوزدەرىن ءوندىرۋ قىسقارتىلاتىن بولادى»، - دەدى ەلشى.
اۆتور: مارلان جيەمباي
