سيرياداعى شابۋىلدا رەسەي اسكەري تەحنيكالارىنىڭ كوزى جويىلدى

استانا. قازاقپارات - امەريكالىق Stratfor جەكە بارلاۋ اگەنتتىگىنىڭ مالىمەتىنشە، سپۋتنيكتەن تۇسىرىلگەن سۋرەتتەر ارتيللەريادان اتقىلاۋدان سيرياداعى رەسەي پايدالاناتىن اسكەري بازا «كادىمگىدەي زارداپ شەككەن».

Stratfor تاياۋداعى قايتارىپ الىنعان تاريحي پالميرا قالاسى ماڭىنداعى شابۋىل كەزىندە رەسەيلىك ءتورت «مي-24» تىكۇشاعىنىڭ كوزى جويىلعانىن ايتادى. سپۋتنيكتەن تۇسىرىلگەن سۋرەتتەر سونىمەن قاتار 20 شاقتى تەحنيكانىڭ كوزى جويىلعان دەپ «سەنىممەن ايتۋعا» مۇمكىندىك بەرەدى.

14- مامىردا «يسلام مەملەكەتى» ەكسترەميستىك ۇيىمى بازاعا جاسالعان شابۋىلدىڭ جاۋاپكەرشىلىگىن موينىنا الىپ، شابۋىل سالدارىنان ءتورت تىكۇشاق پەن وق-ءدارى تيەلگەن 20 جۇك كولىگىنىڭ كوزى جويىلعانىن مالىمدەگەن.

Stratfor- ءدىڭ مالىمەتىنشە، شىعىن كولەمى ماسكەۋ سيرياداعى اسكەري كامپانياسىندا «ۇنەمى تاپ بولاتىن قاۋىپ-قاتەر» بارىن ەسكەرتەدى.

رەسەي قورعانىس مينيسترلىگى بۇل اقپاراتتى جوققا شىعارىپ، ونى «ي م ۇگىت-ناسيحاتى» دەپ اتادى.

«ازاتتىق»