كەلەسى اپتادا استانادا ەۋرازيالىق ەكونوميكالىق وداق مەملەكەت باسشىلارىنىڭ كەڭەسى وتەدى
بۇل تۋرالى بۇگىن استانا ەكونوميكالىق فورۋمى اياسىنداعى «ۇلى جىبەك جولى ەلدەرىنىڭ فورۋمى: ەنەرگيا، رەسۋرستار جانە ورنىقتى دامۋ» سەسسياسىنىڭ اشىلۋىندا ءسوز سويلەگەن ق ر پرەمەر- ءمينيسترى كارىم ءماسىموۆ ءمالىم ەتتى.
«2014 -جىلى قازاقستان پرەزيدەنتى «نۇرلى جول» جاڭا ەكونوميكالىق ساياساتتى ۇسىندى. بۇل باعدارلاما قازاقستاننىڭ جاھاندىق ءوسىم قارقىنىنىڭ تومەندەۋى مەن مۇناي باعاسىنىڭ ارزانداۋىنا نەگىزدەلگەن جاڭا ەكونوميكالىق شىنايىلىققا جاۋابى بولدى. باعدارلامانىڭ ماقساتى - قازاقستان ەكونوميكاسىن جاڭعىرتۋدى جالعاستىرۋ جانە ونى جاھاندىق ەكونوميكانىڭ جاڭا باعىتتارىنا بەيىمدەۋ»، - دەدى ق ر پرەمەر- ءمينيسترى.
ۇكىمەت باسشىسى ءوز سوزىندە وسىدان بىرنەشە كۇن بۇرىن ارمەنيادا ەۋرازيالىق ەكونوميكالىق وداق ەلدەرى ۇكىمەت باسشىلارىنىڭ وتىرىسى وتكەندىگىن، وندا ە ە و- نىڭ ەۋرازيالىق ەكونوميكالىق جول باعدارلاماسى مەن قىتايدىڭ «ءبىر بەلدەۋ، ءبىر جول» جوباسىن تۇيىندەستىرىپ، دامىتۋ تۇجىرىمداسى تالقىعا تۇسكەنىن اتاپ ءوتتى.
«تۇجىرىمداما مەن ادىستەر ۇكىمەت باسشىلارى دەڭگەيىندە ىرىكتەپ الىندى جانە كەلەسى اپتادا، استانادا وتەتىن ەۋرازيالىق ەكونوميكالىق وداق مەملەكەت باسشىلارى كەڭەسىندە بۇل شەشىمدەر قورىتىندى ماقۇلداۋعا ەنگىزىلەدى. وسىدان كەيىن ەۋرازيالىق ەكونوميكالىق وداق ەلدەرى «ءبىر بەلدەۋ، ءبىر جول» باعدارلاماسىن ءىس جۇزىندە قولدانۋ جانە ونى الەۋەتتى دامىتۋ مۇمكىندىگىن الادى. مەنىڭشە، ۇلى جىبەك جولى نەمەسە «ءبىر بەلدەۋ، ءبىر جول» باعدارلاماسى ءبىزدىڭ ورتاق تاريحىمىز، ال دامۋ مەن گۇلدەنۋ ءبىزدىڭ ورتاق مۇددەمىز»، - دەدى ك. ءماسىموۆ.
اۆتور: مارلان جيەمباي
