شەتەلدىك ازامات قازاق قىزىنىڭ جۇرەگىن قالاي جاۋلاپ الادى؟
وسى ورايدا ztb.kz سايتى شەتەلدىكتەردىڭ قازاق قىزدارىنىڭ جۇرەگىن قانداي ايلامەن جاۋلاپ الاتىنىن جاريا ەتتى.
سونىمەن، دالا قىزىمەن قارىم-قاتىناس ورناتۋدا شەتەلدىكتەر نەدەن اۋلاق بولۋى ءتيىس؟
1. بورات تۋرالى ازىلدەي كورمەڭىز
ءسىز ول فيلمدى كورىپ، ونى قىزىقتى دەپ تاپساڭىز دا، قازاق قىزدارى بورات فيلمىن قازاقستانمەن بايلانىستىرعاندى جاقتىرمايدى. ونى ايتساڭىز بويجەتكەننىڭ الدىندا دەڭگەيىڭىز لەزدە ءتۇسىپ كەتەدى. ءتىپتى بۇل ازىلىڭىزگە ول تەك مادەنيەتتىلىك ساقتاپ، كۇلە سالدى دەپ ايتۋعا بولادى.
2. ونىڭ ەسىمىن دۇرىس ايتىڭىز
قىزدىڭ ەسىمى 90 پايىزعا كۇردەلى بولسا دا، ونى دۇرىس ايتىپ تۇرعانىڭىزعا كوز جەتكىزىڭىز. ەسىمى نەندەي ماعىنا بەرەتىنىن دە سۇراساڭىز ارتىق ەتپەيدى.
ال ەگەر بويجەتكەن سۇيىكتىڭىزگە اينالسا جانە ەسىمىن دۇرىس اتاۋعا ءالى دە قينالىپ جۇرسەڭىز، وعان «جانىم» دەسەڭىز دە بولادى.
3. ءبىرىنشى بولىپ قادام جاساڭىز
ول سىزگە ەسسىز عاشىق بولسا دا، ونى بىلدىرمەۋگە تىرىسادى. قازاق قىزى ءۇشىن ار-ۇيات قاشان دا ءبىرىنشى ورىندا. ول ءوزىنىڭ قۇنىن تۇسىرمەيدى جانە ءسىزدىڭ ءبىرىنشى بولىپ قادام جاساعانىڭىزدى كۇتەدى. ەر ادامشا ارەكەت ەتىڭىز. جانە گۇل سىيلاۋدى دا ۇمىتپاڭىز.
4. ءوزىڭىزدى دۇرىس ۇستاڭىز
قازاق قىزىنىڭ كوزىنشە جامان ادەتتەرىڭىزدى كورسەتپەۋگە تىرىسىڭىز. ول سىزدەن ەسىك اشىپ، قۇرمەتپەن كافە ورىندىعىنا جايعاستىرۋىڭىزدى كۇتەدى.
5. 15 مينۋت = 60 مينۋت
قازاق قىزىمەن كەزدەسەتىن كۇنى ونى 15 مينۋتتان ارتىق ۋاقىت كۇتۋگە دايىن بولىڭىز. سەبەبى، ول سىزبەن كەزدەسۋ ءۇشىن ساندەلۋدىڭ وزىنە ءبىرتالاي ۋاقىتىن جۇمسايدى.
6. جىلقى، ەندىگى ءسىز ءۇشىن ءۇي جانۋارى ەمەس
قازاقتار جىلقى ەتىنەن تاعام جەگەندى ۇناتادى. سول سەبەپتى، جىلقى ەتىنەن بەشبارماق جەۋگە دايىندالا بەرىڭىز. قىمىزدى دا ىشۋگە تۋرا كەلەدى.
7. ءبىر كورگەننەن ءسىز ونىڭ ىشكى جان-دۇنيەسىنە ۇڭىلە المايسىز
ءبىر قاراعاندا، قازاق قىزى ءوزىمشىل، كەۋدەسى جەرگە تيمەيتىن بويجەتكەن سەكىلدى كورىنەدى. الايدا ولار شىنايى جايدارلى ىشكى جان-دۇنيەسىن ءسىزدى تەك ابدەن تانىپ بىلگەندە عانا كورسەتە باستايدى. سول سەبەپتى، بىردەن ول تۋرالى وي تۇيۋگە اسىقپاڭىز.
8. كەشكى اسقا مىندەتتى تۇردە ءسىز تولەيسىز
قازاق قىزدارى ەر ادامدى اسىراۋشى رەتىندە قابىلدايدى. ال وزدەرىن ءۇي شارۋاسىن قاداعالاۋعا مىندەتتى جان دەپ بىلەدى. قازاق قىزى ءسىز سۇراماي جاتىپ، كيىمىڭىزدى ۇتىكتەيدى، سۇيىكتى تاعامىڭىزدى ازىرلەپ، سىزگە بار ماحابباتىن ارنايدى. الايدا، اڭگىمە كەزدەسۋ مەن كەشكى اسقا كەلگەندە، «ەۋروپالىق ۇلگىمەن، شىعىندى ەكەۋلەپ تولەيىك» دەگەن اڭگىمەڭىزدى وڭ قابىلداي قويمايدى. ءسىز شاقىردىڭىز با، وندا ءسىز تولەۋگە مىندەتتىسىز.
9. اقىلى كوركىنە ساي
قازاق قىزدارىنىڭ اراسىنان ساۋاتى جوعىن كەزكىتىرۋ مۇمكىن ەمەس. ول كەمىندە باكالاۆر دارەجەسىن الىپ شىعادى. ءۇش ءتىل ءبىلۋى دە عاجاپ ەمەس. ول كىتاپ وقىپ، ونەر، ادەبيەت پەن تاريحتان كوزى اشىق بولادى. بۇل ورايدا، ءسىزدىڭ دە اقىلىڭىز ودان كەم تۇسپەۋى كەرەك.
10. سپورتتان حابارىڭىز بولۋى كەرەك ءارى بويجەتكەنگە قورعان بولا الۋىڭىز ماڭىزدى
گەننادي گولوۆكين تۋرالى ەستىمەدىڭىز بە؟ وندا ۋاقىت جوعالتپاي، سپورت سالاسىن تانىپ-بىلۋگە اسىعىڭىز. قازاق ەرلەرى مىندەتتى تۇردە ءبىر سپورت تۇرىنە دەن قويىپ، سۇيىكتىسىنە قورعان بولا الاتىنداي وزدەرىن شىنىقتىرادى. ءسىز ولاردان قالىس قالماۋىڭىز كەرەك.
11. قازاقستان تۋرالى كوبىرەك بىلۋگە تىرىسىڭىز
قازاقستان جەر ۇلكەندىگىنەن الەم بويىنشا توعىزىنشى ورىندا ەكەندىگىن بىلەسىز بە؟ ال قازاقستان الەمدەگى ەڭ ءىرى عارىش ايلاعىنىڭ وتانى ەكەنىنەن قانشالىقتى حاباردارسىز؟ ءسىز ءبىلۋىڭىز ءتيىس دۇنيەلەر جەتىپ-ارتىلادى. قازاقستان تۋرالى ازىن-اۋلاق بولسا دا بىلەتىنىڭىز ونىڭ كوڭىلىنەن شىعارى انىق.
12. تاجىريبە جاساۋدان قورىقپاڭىز
قازاقستان - كوشپەندىلەردىڭ ەلى. جاڭا جەردى زەرتتەپ، جاڭا دۇنيەلەرگە ۇيرەنۋ قازاق قىزىنىڭ قانىندا بار. سول سەبەپتى، شىتىرمان ساياحاتقا بىرگە بارىپ، جاڭا تاعام تۇرلەرىنەن بىرگە ءدام تاتۋدان باس تارتپاڭىز.
