ەلىمىزدە ەكولوگيانى رەتتەۋ جانە باقىلاۋ كوميتەتى قۇرىلادى
بۇل تۋرالى بۇگىن ق ر ەنەرگەتيكا ءمينيسترى قانات بوزىمبايەۆ ءمالىم ەتتى.
«قورشاعان ورتانى قورعاۋ كوميتەتىن ەكولوگتارعا قايتارعىمىز كەلەدى. باسشىلىق تاراپىنان بۇل ماسەلەگە قولداۋ تاپتىم. سوندىقتان، قىزمەتكەرلەردىڭ بىلىكتىلىگىنە تالاپتى كۇشەيتىپ، جۇمىستىڭ ناتيجەسىن ارتتىرۋعا كۇش سالامىز. بۇل ورگاننىڭ اشىقتىعىن قامتۋ كەرەك، سەبەبى، قورشاعان ورتانىڭ ماسەلەسى قوعامنىڭ اجىراماس بولىگى»، - دەدى ق. بوزىمبايەۆ جانار-جاعارماي كەشەنى مەن ەكولوگيا جونىندەگى قوعامدىق كەڭەستىڭ ەسەپ بەرۋ كەزدەسۋىندە.
مينيستر حابارلاعانداي، 2015-2016 -جىلدارى قازاقستاننىڭ ەكولوگيالىق ماسەلەلەر جونىندەگى زاڭناماسىنا ءبىرقاتار جاڭالىقتار ەنگىزىلگەن. وندىرۋشىلەر مەن يمپورتتاۋشىلارعا دا قاتىسى بار بۇل وزگەرىستەر تاۋاردىڭ تۇتىنۋ قۇرامى جوعالعان سوڭ ونى ارى قاراي پايداعا ااسىرۋ ءۇشىن اقشا تولەۋگە مىندەتتەيدى.
«بۇل قالدىقتاردى قايتا وڭدەۋ مەن پايداعا جاراتۋ باعىتىندا ينفراقۇرىلىمنىڭ دامۋىن ىنتالاندىرار ەدى»، - دەدى ءسوز سوڭىندا ق. بوزىمبايەۆ.
اۆتور: كەنجەكەي توقتامۇرات قىزى
