ن. نازاربايەۆ ك. لاگاردپەن الەمدىك قارجى-ەكونوميكالىق جۇيەسىنىڭ دامۋىن تالقىلادى

استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ حالىقارالىق ۆاليۋتا قورىنىڭ وكىمشى- ديرەكتورى كريستين لاگاردتى قابىلدادى.

بۇل تۋرالى اقوردانىڭ باسپا ءسوز قىزمەتى حابارلادى.

كەزدەسۋ بارىسىندا قازاقستان مەن قوردىڭ اراسىنداعى ىنتىماقتاستىقتىڭ نەگىزگى باعىتتارى، سونداي-اق الەمدىك قارجى-ەكونوميكالىق جۇيەسى دامۋىنداعى باستى ترەندتەر تالقىلاندى.

نۇرسۇلتان نازاربايەۆ استانا ەكونوميكالىق فورۋمى قارساڭىندا ح ۆ ق وڭىرلىك كونفەرەنتسياسىنىڭ وتكىزىلۋى تۋرالى شەشىمى ەلىمىزگە ماڭىزدى قولداۋ بولعاندىعىن اتاپ ءوتتى.