بيولوگتار كۇلگىن ءتۇستى «دارىلىك» كارتوپ ءتۇرىن شىعاردى

 استانا. قازاقپارات - ا ق ش- تىڭ بيولوگتارى مەن سەلەكتسيونەرلەرى دارۋمەندەر مەن پايدالى زاتتارعا باي، سونداي- اق كانسەروگەنسىز كارتوپتىڭ جاڭا سۇرپىن شىعاردى.

 بۇل رەتتە وسىنداي كارتوپتىڭ مايەگى قالىپتى سارى نەمەسە اق ءتۇستى ەمەس، كۇلگىن نەمەسە قىزىل ءتۇستى، دەپ حابارلايدى كولورادو شتاتى ۋنيۆەرسيتەتىنىڭ باسپا ءسوز قىزمەتى.

كولورادو شتاتىنداعى ۋنيۆەرسيتەتتىڭ عالىمدارى وزدەرى شىعارعان جاڭا كارتوپتىڭ قىزعىلت ءتۇسىن انتيوكسيدانتتاردىڭ كوپ بولۋىنان دەپ تۇسىندىرەدى. كوكونىستىڭ ەرەكشە تۇسكە بويالۋى كوپجىلدىق سەلەكسيالىق جۇمىستاردىڭ ارقاسى. وسىنداي كارتوپ س دارۋمەنى، فوليي قىشقىلى، كاليي، تەمىر، مىرىش جانە ءتۇرلى فەنول قوسىندىلارىنان تۇرادى. زەرتتەۋشىلەر كارتوپتىڭ قۇرامىندا كوكجيدەك جانە اناردىڭ قۇرامىنداعىداي انتيوكسيدانتتار بار ەكەنىنە سەندىرەدى.

 بۇدان باسقا، كارتوپتىڭ بۇل سۇرىپىندا ءپىسىرۋ نەمەسە قۋىرۋ كەزىندە كانسەروگەندەرگە اينالاتىن زاتتار جوق.